سيدة تزعم تعرضها للنصب من شركة تسويق إلكتروني: خسرت أكتر من 120 ألف في شهرين
تداول مستخدمو السوشيال ميديا منشورًا لسيدة تشكو من شركة تسويق الكتروني بعد دفعها مبلغ 120 ألف خلال شهرين، ولم تحصل على أي نتائج حقيقة من الشركة، دون عملاء أو مردود فعلي بسبب عملهم دون خطة واضحة، وبشكل خاطئ ما سبب لها خسائر كبيرة.
سيدة تزعم تعرضها للنصب من شركة تسويق إلكتروني
وشاركت السيدة منشورًا عبر حسابها بمنصة فيسبوك للتواصل الاجتماعي جاء فيه: غلطة خسرتني أكتر من 120 ألف جنيه.
وتابعت: اتفقت معاهم على إدارة الصفحة بتاعتي وإنهم يكونوا مسؤولين عن الكونتنت ستراتيجي والكونتنت بلان لكل بلاتفورم والنشر عليهم ومتابعة التعليقات والرسايل لمدة 12 ساعة يوميا ومتابعة الميديا باينج مقابل 50 ألف جنيه في الشهر مع العلم إن الباكيدج دي غير شاملة التصوير ولا فلوس الإعلانات واشتغلت معاهم شهرين يعني أخدوا مني 100 ألف جنيه، ودفعت كمان 15 ألف جنيه مقابل visual identity وbrand book.
وأضافت: بعد فترة بدأت أحس إن في حاجة غلط آه بيعملوا محتوى وفيديوهات شكلها كويسة وجودة كويسة بس الموضوع كأنه ماشي بدون خطة احنا بنشير بوستات وخلاص ف لجأت لصديقة وعرفتني على social media consultant وفهموني الوضع المفروض يمشي معاهم إزاي اللي حصل كالآتي بعد شهرين:
- الحملات الإعلانية كانت بدون خطة واضحة ولا تحديد target audience ولا عمل A/B Testing ولا تحديد best creative ولا best target audience ولا أي حاجة هما شغلوا الإعلانات وخلاص، كانت النتيجة كارثية ومجاليش غير عميل واحد فقط عن طريقهم في خلال الشهرين دول
- النتائج ضعيفة جدًا بعد شهرين
– انستجرام 268 متابع أكتر من نصهم صحابي ومعارفي
– تيك توك 125 متابع
– مفيش أي Conversion أو Messages جايين من الحملات
- أعلى مشاهدات على فيديو انستجرام كان 900 فيو بطلوع الروح كلهم في رينج 400 أو 500 وتيك توك مش بيكمل الـ 200 حتى بالرغم إن المحتوى شكله كويس لكن مفيش نتيجة
٤- QR Code اتبعت غلط واتجهز Design لدعوة الافتتاح واتطبعت بالفعل.
لكن الـ QR Code طلع مش شغال وده سبب خسارة مادية لأن الدعوات والفلايرز اتطبعت واتوزعت بالفعل وده سببلي إحراج شديد جدًا قدام الناس ولما قولتلهم كان الحل بتاعهم هنعمل اشتراك بفلوس على الموقع اللي عملنا عليه ال QR code ولما يخلص ابقي ادفعي انتي وجدديه يعني الحل بتاعهم إني أنا اللي اتحمل مسؤولية غلطهم وادفع برضه
٥- مفيش Reports أو خطة واضحة استلمتها ولا Monthly Strategy اتشرحتلي ولا KPIs حقيقية
ولا تحليل أداء رغم إن ده جزء أساسي من أي خدمة Social Media Management
وأضافت: ولما سألتهم على النقطة دي بعد كده قالولي احنا موعدنكيش بأرقام ولا نتائج احنا شغالين وبعد ٦ شهور نبقى نشوف النتيجة. طيب على أساس ايه يا جماعة نعرف احنا ماشيين صح ولا غلط أصلًا؟ طب ما يمكن احنا بنعمل شغل وحش ومحتاجين نظبطه مكانش عندهم رد على النقطة دي، حاولت اتفاهم معاهم وأطلب منهم تعويض جزئي عن اللي حصل وليه اتحمل أنا مسؤولية الخسارة لوحدي وإن اللي هما قدموه لا يتناسب مع القيمة المادية المدفوعة رفضوا طبعًا وحملوني أنا المسؤولية بحجة إنهم بعتولي سكريبتات فيديوهات أصورها عشان يعملوا عليها إعلانات وأنا اللي لسة مصورتش برغم إن النشر موقفش يوم واحد من ساعة ما بدأوا ولحد ما وقفت شغل معاهم كان عندنا ماتيريال تغطي المحتوى لفترة عادي يعني المشكلة مكانتش إني مصورتش.
وأشارت: تواصلت معاهم بعدها وطلبت منهم البيانات القانونية للشركة بما فيها العنوان امتنعوا إنهم يقولولي المعلومات وتجاهلوني بدون رد لحد دلوقتي وشركتهم مش عارفين نوصل لعنوان ليهم حتى وملهومش لوكيشن على جوجل ولا على الموقع بتاعهم.
