بعد احتراق اللوكيشن.. إلهام شاهين عن فيلم الحب كله: الفنانين اتفرقوا.. والمسئولين قالوا هنصور تاني قريب
كشفت الفنانة إلهام شاهين، عن موعد تصوير فيلم الحب كله، وذلك بعد توقفه بسبب حرق اللوكيشن، موضحة رأيها في تقديم السيرة الذاتية لها في عمل فني والأنسب لتقديمها.
وقالت إلهام شاهين في لقائها مع القاهرة 24: فيلم الحب كله من وقت ما اتحرق اللوكيشن وحصل توقف، الفنانين اتفرقوا وعشان يتجمعوا تاني هياخد وقت وكل ما أقابل المسئولين عن الفيلم بيقولولي هنصور قريب.
وتابعت: لو هيتقدم عمل سيرة ذاتية، إلهام الصغيرة هي الأنسب تقدمها لو عيلتي فكرت تعملها بعد ما أموت لأن هي اللي عارفة تفاصيل حياتي.
ومن جانبه سبق أن دافعت الفنانة إلهام شاهين عن فيلم الست بطولة منى زكي، منتقدة الهجوم الذي يتعرض له قبل عرضه أو مشاهدته بشكل كامل.
إلهام شاهين تدافع عن فيلم الست لـ منى زكي: إزاي بتنتقدوا وأنتم لسه مشوفتوش العمل؟
وعبرت إلهام شاهين خلال لقائها مع القاهرة 24 عن استيائها من موجة الانتقادات المسبقة التي باتت تطارد الأعمال الفنية قبل صدورها، مؤكدة أن النقد الحقيقي يجب أن يستند إلى مشاهدة العمل وتقييمه بموضوعية، مضيفة: لو الناس شافوا الفيلم وفيه حاجة مش عجباهم نحترم النقد، لكن اللي بيحصل دلوقتي معناه إيه؟ إزاي بتنتقدوا وأنتم لسه مشوفتوش العمل؟.
