أبرز تصريحات المخرج طارق العريان مع عبلة سلامة: الكوميديا ليها تركيبة مش شبهي.. وأتمنى تقديم شخصية عنتر بن شداد في عمل فني
حل المخرج طارق العريان، ضيفًا على برنامج عندك وقت مع عبلة، والمذاع على قناة MBC، والذي كشف من خلاله عن العديد من كواليس حياته الشخصية والمهنية.
وإليكم أبرز تصريحات المخرج طارق العريان:
-دايمًا عندي خطة لمشروعاتي وبشوف أنا عاوز إيه؟ وكنت بكره في الإعلانات إني مبحبش التحكم وقولت أنا اللي هتحكم في أفلامي ومبحبش استنى حد يجبني في إعلان.
-أعمال الكوميديا صعبة جدًا وليها تركيبة مش شبهي، وعمري ما كتبت أعمالي كاملة وولاد رزق جالي جاهز.
-لما بخلص فيلم بيجيلي اكتئاب بعده ولو معندكش حاجة عاوز تعملها تبقى كارثة وبسأل نفسي بعد كل نجاح فيلم هو ده آخرك ولا إيه؟
-نفسي أقدم شخصية عنتر بن شداد في عمل فني لأنه شاعر عبقري وديمًا عندي إحساس إن أنا مقصر ومش بطبطب على نفسي.
-أنا رايق طول الوقت ولو الدنيا اتهدت بفضل رايق وبعتذر حتى لو مش غلطان.
-طول عمري فاكر نفسي أغنى واحد في العالم ودايمًا حاسس إني عندي حاجات مش موجودة عند حد وفكرت إزاي الفلوس متكسرنيش ومبحبش كلمة أصل ده أكل عيش دي حاجة ممكن تموتني وفي ناس مضطرة ودي حاجة مش عيب.
طارق العريان
ويعرض لـ طارق العريان الآن في السينما فيلم السلم والثعبان 2، بطولة عمرو يوسف وأسماء جلال، ودارت الأحداث حول يتعرف أحمد على ملك وسرعان ما تتحول علاقتهما من مجرد إعجاب إلى حب متبادل، فيسعى كل منهما إلى إبهار الآخر بشخصيته وتصرفاته، على أمل أن تستمر قصة حبهما إلى الأبد وتصمد أمام جميع التحديات.
