نانسي صلاح: اتنين من الوسط الفني عملولي عمل علشان شعري يقع.. وأنا قاعدة في البيت لأني شاطرة
أثارت الفنانة نانسي صلاح، الجدل خلال الساعات الماضية بسبب تصريحاتها عن تعرضها للسحر، وبجانب محاربتها من البعض بالوسط الفني على حد قولها.
وكشفت نانسي صلاح، تفاصيل تعرضها للسحر في تصريحات تلفزيونية، قائلة: اتعملي عمل على شعري علشان يقع، وعارفة مين اللي عملي العمل هما بنتين في الوسط الفني ومعروفين، وجالي انهيار لما فكيت العمل والشيخ مرضيش يقولي مين اللي عمله، ولكني قلت اسميهم قالي الله أكبر مدد بلا عدد عرفتي إزاي؟.
كما أوضحت نانسي صلاح، أنها لم تكون صداقات بالوسط الفني، قائلة: معنديش أصحاب في الوسط الفني كلهم زملائي، في كام حد أصحابي ولكن مش هقول مين علشان ميبوظوش علاقتي بيهم، وبيراقبوا تليفوني علشان يشوفوا بكلم مين وجالي شغل إيه ويمنعوه، أنا من أول ما طلعت وأنا مختلفة وبتأذي وساكتة ولكن كفاية.
وأضافت نانسي صلاح: في كاتب كبير سنًا ومقامًا قالي مش عايزك تزعلي علشان أنتي قاعدة في البيت السنة دي، أصل أنتي شاطرة أوي علشان كده أنتي قاعدة في البيت.
آخر أعمال نانسي صلاح
وعلى جانب آخر، يعرض حاليًا للفنانة نانسي صلاح، مسلسل 2 قهوة بطولة أحمد فهمي، مرام علي، نانسي صلاح، أحمد الشامي، إسماعيل فرغلي، مي القاضي، هبة الأباصيري، عمر رياض، ميريت عمر الحريري، ميمي جمال وتدور الأحداث حول علاقة حب تنشأ بالصدفة بين أستاذ جامعي ومقدّم برامج ناجح، وبين شابة تملك كافيه راقي في حي الزمالك. تتطور العلاقة بينهما وسط صراعات ماضية وعقبات اجتماعية ومهنية، خصوصًا بعد عودة طليقته إلى حياته، مما يهدد استقرار هذا الحب الجديد.
