أحمد مالك: ابتديتها من تحت لحد ما قدرت أقدم عمل فني لوحدي
تحدث الفنان أحمد مالك عن تقديم عمل فني متكامل من بطولته، بالرغم من صغر سنه، كاشفًا كواليس مشواره الفني.
وقال أحمد مالك في لقائه مع القاهرة 24: أنا ممثل بقالي سنين كتير، وابتديتها من تحت، وطلعت خطوات لحد ما حسيت إني جاهز، واستويت لحد ما قدرت أقدم عمل فني لوحدي، والتجارب اللي فاتت زي فيلم 6 أيام ومسلسل ولاد الشمس أثبتت إن إحنا ماشيين على الطريق الصح.
فيلم كولونيا
وتطرق أحمد مالك في حديثه عن تقديم الفرص الثانية للأشخاص حيث ناقش هذا الموضوع في فيلمه الجديد كولونيا، معلقًا: المواقف مفيش فيها أبيض وأسود، كل موقف بيكون له أبعاده في موقف تستحمل إنك تدي الشخص فرصة تانية، وأنا برجح ده لأن أي إنسان بيغلط في الحياة ولما بنغلط بنتعلم وبنبقى أحسن، أنا ممكن أدي فرصة تانية بس التالتة مش ضامنها، وفي الآخر كلنا خطائين.
تدور أحداث فيلم كولونيا خلال ليلة مشحونة يجبر فيها الأب والابن على مواجهة ذكرياتهما وخلافاتهما وصورتهما عن بعضهما البعض، في محاولة لتصفية الحسابات وترميم ما كسره الزمن، ويشارك في البطولة أحمد مالك، كامل الباشا ومايان السيد، إلى جانب عابد عناني، دنيا ماهر، وهالة مرزوق، الفيلم من إنتاج المنتج محمد حفظي عبر شركته فيلم كلينك، والمخرج محمد صيام عبر شركته آرت خانا، بمشاركة المنتجين إنغريد ليل هوغتون، فادي عطا الله، وغيوم دو سييل.
