معتمد جمال بعد الخسارة من زد: للأسف النتيجة مش زي ما كنا عايزين.. وغيرنا الطريقة بسبب الإصابات
عبر معتمد جمال، المدير الفني لفريق الزمالك، عن استيائه بعد خسارة الأبيض من نظيره زد، في اللقاء الذي جمع بينهما ضمن مواجهات بطولة كأس عاصمة مصر.
وخسر الزمالك من نظيره زد في إطار الجولة السادسة من دور المجموعات لمسابقة كأس عاصمة مصر، بنتيجة 1-0.
تصريحات معتمد جمال
وقال معتمد جمال خلال المؤتمر الصحفي بعد نهاية اللقاء: للأسف النتيجة مش زي ماكنا عايزين، عملنا مكس بين الشباب والكبار، عشان الشباب ميتظلموش في المباريات.
وواصل مدرب الزمالك: عملنا 3 تغييرات اضطرارية وروحنا بكذا فرصة ولكن طريقة اللعب غيرناها بسبب الإصابات، وإن شاء الله اللي جاي يكون أفضل.
وأضاف: بنبارك لـ منتخب مصر، ونتمني الوصول للنهائي، احنا عندنا مشاكل كتيرة زي الإجازة الطويلة للاعبين اللي وصلت لـ9 أيام، بجانب اللاعبين نفسيا مش أفضل حاجة.
وزاد: أعيننا علي مباراة المصري في الكونفدرالية ومباريات الدوري، ولما يرجع اللاعبين الدوليين مع عودة المصابين ومع تفرغ اللاعبين بشكل كامل للكرة الامور هتبقي افضل.
وأضاف: متعود علي الظروف ده في الزمالك من الفترة اللي فاتت، لما اجي امسك الزمالك مش ببص علي الظروف خالص، لازم نشتغل عشان نطلع الزمالك من الحالة دي.
وأتم مدرب الزمالك: إبراهيم صلاح هيكون موجود معانا علي الدكة من الماتش الجاي.
