الأكيل.. مراد مكرم يغادر قناة CBC بعد سنوات من نجاح برنامجه الشهير

أعلن الفنان والإعلامي مراد مكرم، عن انتهاء تعاقده مع شبكة قنوات CBC، بعد سنوات من العمل داخل القناة والذي كان يقدم من خلالها برنامجه الشهير “الأكيل”.

مراد مكرم يغادر قناة CBC

وأضاف الفنان والإعلامي مراد مكرم، عبر حسابه الرسمي على موقع إنستجرام، قائلا: بعد سنوات من العمل، أعلن اليوم عن انتهاء تعاقدي مع شبكة قنوات CBC.. والخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني.

وتابع: من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية.
وقدم الإعلامي مراد مكرم، الشكر لكل العاملين معه في البرنامج، قائلا: بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين.. كل شخص ساهم في تجربة عمر، وكل شخص علمني حاجة حتى من غير ما يقصد.. وكان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل.

واختتم منشوره قائلا: أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة.. شكرا CBC.. وشكرا لكل اللي كانوا جزء من الرحلة.. وإلى لقاء جديد… وخطوة جديدة بإذن الله.