فرج عامر بعد خسارة مصر أمام السنغال: اللي في الملعب مكنوش فاهمين عاوزين إيه ولا بيلعبوا إزاي
أكد المهندس فرج عامر، الرئيس السابق لنادي سموحة في تصريحات خاصة لـ"القاهرة 24" بعد خسارة منتخب مصر أمام السنغال، أن الفريق قدم أداءً ضعيفًا للغاية، مشددًا على أن الأخطاء كانت داخلية وليست نتيجة قرارات التحكيم.
فرج عامر بعد خسارة مصر أمام السنغال: اللي في الملعب مكنوش فاهمين عاوزين إيه ولا بيلعبوا إزاي
وقال فرج عامر: "أي حد بيفهم أو مبيفهمش كورة هيقول إننا كنا سيئين أمام السنغال، الشناوي كان يقدر يمسك الكرة، والدفاع ساب ماني يشوط وموقفش قدامه، اللي في الملعب مكنوش فاهمين عاوزين إيه ولا بيلعبوا إزاي ودورهم إيه في الماتش. مكنش عندنا إرادة للمكسب، ومنظرنا كان وحش أوي".
وأضاف: "بلاش نعلق أخطائنا على الحكم، دا معملش حاجة غلط مؤثرة.. صلاح ومرموش معملوش حاجة تذكر في الماتش، وكل شوية الكرة بتتقطع منهم، إحنا وقفنا قدام المرمى الماتش كله، ومقدمناش أي كرة".
وتابع فرج عامر: "الحكام معملوش حاجة كان لها تأثير سلبي.. كنا سيئين جدًا، ومنظرنا في كأس العالم هيبقى وحش جدًا، محتاجين إعادة نظر في المنتخب، والواقع اللي شفناه النهاردة سيء جدًا".
وأشار إلى الفجوة الواضحة بين مصر والسنغال: "منظومة المنتخب كانت وحشة، وكان باين أن في فرق كبير ما بينا وبين السنغال متراجع بشكل كبير، ومكنتش بتعدي خط النص.. اللي بيفهم في الكورة هيقول كدا، لا عندنا إرادة حقيقية للمكسب ولا حد عارف بيعمل إيه في الملعب".
وشدد فرج عامر على أن الأداء السيئ يحتاج إلى مراجعة شاملة قبل المشاركة في كأس العالم، مؤكدًا أن الأمور لا تحتمل التبرير بالتحكيم أو الظروف الأخرى.
