مخرج مسلسل النص التاني لـ أحمد أمين: الموسم ده هيبدأ من فترة زمنية مختلفة
كشف المخرج حسام علي، تفاصيل مسلسل النص التاني، والمقرر عرضه في السباق الرمضاني المقبل 2026، وذلك بعد النجاح الكبير الذي حققه الجزء الأول من العمل في السباق الرمضاني الماضي.
وقال مخرج مسلسل النص التاني، في لقائه مع قناة ON: الجديد في الموسم ده أننا بدأنا من فترة زمنية مختلفة، السنة دي النص هيكون عنده دوافع تانية واحتياجات تانية عن السنة اللي فاتت، إحنا عملنا كل اللي نقدر نعمله علشان نقدم جزء ثاني أحلى من الأولاني، يضحك أكتر ويبسط الناس أكتر ويتعلقوا بيه أكتر.
مسلسل النص التاني
ويستمر في الموسم الجديد حضور أفراد عصابة "النص" الذين ارتبط بهم الجمهور في الجزء الأول، وهم: درويش (حمزة العيلي)، رسمية (أسماء أبو اليزيد)، زقزوق (عبد الرحمن محمد)، إسماعيل (ميشيل ميلاد)، وعلوي (صدقي صخر)، على أن يحمل وجودهم الكثير من المفاجآت غير المتوقعة للجمهور. كما تظهر عيشة زوجة النص (دنيا سامي) ومعها ابنهما "منصور" ليشكّلا معًا جانبًا إنسانيًا مهمًا في حياة النص.
"النص التاني" يعد مغامرة درامية جديدة تحمل أجواء الحرب العالمية الثانية وتقدم مزيجًا من التشويق والجاسوسية والبعد الإنساني الذي لا يخلو من الكوميديا، ليكون امتدادًا مختلفًا ومطورًا للتجربة التي بدأها المسلسل في موسمه الأول، والمسلسل من تأليف شريف عبد الفتاح، عبد الرحمن جاويش، ووجيه صبري، ومن إنتاج شركة أروما، وإخراج حسام علي.
