بيأكلوهم سم.. سيدة تزعم تحريض خطيب مسجد المواطنين على قتل الكلاب
كايرو لايت
كلب مقتول
زعمت سيدة عبر حسابها بمنصة التواصل الاجتماعي فيسبوك، قيام خطيب أحد المساجد بتحريض المواطنين على قتل الكلاب باستخدام السم، وشاركت السيدة صورة لكلب مقتول بالسم على يد أحد المواطنين.
سيدة تزعم تحريض خطيب مسجد المواطنين على قتل الكلاب
وشاركت السيدة منشورًا عبر حسابها جاء فيه: شايفين النظرة دي؟ دي نظرة موت بعد عذاب، بعد تفجير السم لجدار المعدة وأوعية المخ، مع أن الكلب بشهادة كل ساكني الشارع مسالم جدا ودايما في حاله ونايم، هي دي معاملتكم لخلق الله؟ هو دا تأدبكم مع الله في خلقه؟ هتحطوا وشكوا في وش رسولكم وربكم إزاي يوم القيامة.
لحد إمتى هنفضل في العبث دا، وهيفضل الخطاب الديني لبعض الغير مسئولين يحرض على العنف والقتل وإراقة الدم، لما يكون هو دا اللي بيتقال على المناب، أومال اللي بيتقال في الخفاء إيه؟ مش هسكت وهعمل محاضر ضد الشيخ، حسبي الله ونعم الوكيل في شيخ معندوش ضمير.
