محمد الشناوي: كتير من الناس مكنتش متوقعة نوصل لنصف النهائي.. والتوفيق لم يحالفنا اليوم
تحدث محمد الشناوي حارس مرمى منتخب مصر الأول لكرة القدم عقب الخسارة من نيجيريا في لقاء البرونزية بكأس أمم إفريقيا واحتلال المركز الرابع بنسخة 2025.
تصريحات محمد الشناوي
وقال محمد الشناوي: حابب أشكر لاعبي منتخب مصر على الأداء الكبير اللي قدموه في البطولة، كتير من الناس مكنتش متوقعة إننا نوصل لنصف النهائي، لكن النهاردة الحظ كان له دور معانا.
وأضاف: نفذنا التعليمات بشكل جيد، وعملنا معسكر قوي جدًا قبل البطولة، وبشكر كل اللاعبين على التزامهم، وكمان بشكر اتحاد الكرة اللي وفر لنا كل احتياجاتنا.
وأردف الشناوي في تصريحاته: أحب أوجّه الشكر للجهاز الفني، عملتم اللي عليكم بالكامل، لكن التوفيق مكنش حاضر في حصد الميدالية البرونزية.
وأتم: المباراة كانت ترتيبية بين المنتخبين، لكنها مفيدة جدًا للجهاز الفني، لأنها بتدي فرصة لتجربة لاعبين لم يشاركوا من قبل، كسبنا لاعبين اكتسبوا خبرات كبيرة واحتكوا بأجواء البطولات، والمباراة دي كانت ضرورية علشان العناصر اللي ملعبتش تاخد فرصتها وتثبت نفسها.
