محمد إمام عن مسلسله الكينج في رمضان 2026: من أحلى المسلسلات اللي عملتها.. معايا مجموعة من أقوى نجوم الوطن العربي
تحدث الفنان محمد إمام، عن مسلسله الكينج، الذي سيخوض به السباق الرمضاني المقبل 2026، معربًا عن سعادته الكبيرة بتعاونه مع أكبر نجوم الوطن العربي بالعمل.
وقال محمد إمام، في لقائه مع القاهرة 24: مسلسل شايف إنه من أحلى المسلسلات اللي عملتها لحد دلوقتي، كلنا بذلنا فيه أقصى مجهود، معايا مجموعة من أكبر وأقوى نجوم الوطن العربي، وكلنا قلبنا على العمل وبإذن الله يعجب الجمهور.
وعن دعمه لأبطال مسلسله الكينج، فعلق محمد إمام: كلهم يستاهلوا لأن العمل اللي بيطلع ده مش واحد بس اللي عامله ومش أنا لوحدي اللي عامله، إحنا منظومة كبيرة وبنبذل أقصى مجهود عندنا في ظروف صعبة جدًا وكل واحد عايز يطلع أحلى ما عنده، طبعًا لازم أشكرهم وأشكر كل اللي بيشتغل في العمل.
مسلسل الكينج
ومن ناحية أخرى، سبق وعلم القاهرة 24، أن محمد إمام ضمن أحداث العمل سيظهر بشخصية ملاكم تمر حياته بالعديد من الأزمات التي يحاول التغلب عليها، ولكن مع تتابع الأحداث يصل لـ أن يكون زعيم مافيا عالمي.
أبطال مسلسل الكينج
وتشارك في بطولة مسلسل الكينج، رفقة الفنان محمد إمام، كل من الفنانة ميرنا جميل، حنان مطاوع، انتصار، سامي مغاوري، حجاج عبد العظيم، كمال أبورية، بسنت شوقي، مصطفى خاطر، أحمد فهيم، والعمل من تأليف محمد صلاح العزب، وإخراج شيرين عادل.
