قلبي ابتسم من دعواتها ليا.. منشور لوالدة فتاة خلال توصيلها للامتحان يثير تعاطف مواقع التواصل
تداول مستخدمو مواقع التواصل الاجتماعي، منشورًا لـ أم أثار حالة من التعاطف والدعم خلال الساعات القليلة الماضية.
قلبي ابتسم من دعواتها ليا.. منشور لوالدة فتاة خلال توصيلها للامتحان يثير تعاطف مواقع التواصل
وشاركت السيدة منشورًا تروي فيه تفاصيل توصيل ابنتها للامتحان، جاء فيه: كل يوم وأنا بنزل امتحان بنتي فريدة (كفيفة) كنت بحتاج بنتي أمينة تكون معانا لأسباب كتير، وهي حبيبتي أمينة في الإعدادية وأمتحانها الأسبوع اللي بعد امتحان فريدة مباشرة، وأكيد هي كانت محتاجة تكون بتجهز بالمراجعة والدروس المكثفة والوقت ضيق،فكنت وأنا بصحيها بدري بتكون صعبانه عليا فكنت بفضل أصحيها بالدعاء ليها حتى لو هي مش سامعاني أو مش مركزة ماما بتقول إيه وحقيقي وأنا بدعيلها كان كل نيتي إني أطبطب عليها وأطبطب على نفسي وأذكر نفسي إن ده جزء أصيل من نسيجنا كأسرة محتاج رحمة وطبطبة فكنت بقولها يا رب يجعله في ميزانك يا أمينه، ربنا يتقبل منك يا حبيبتي حاسه بيكي والله..ربنا ييسرلك كل صعب.
وتابعت:ده بيحصل كل يوم النهاردة كنت بوصلها الصبح للجنة والعربية كان فيها عطل شديد في الدريكسيون فكنت ببذل مجهود جبار علشان بس اعرف اطلع ما بين عربتين قافلين عليا لدرجة إن رقبتي قفشت من الضغط لقيت أمينة بتقولي وانا عماله أحاول بتعب وهي جمبي مشفقه عليا -الله يتقبل منك يا ماما نزولك معايا -الله يجعله في ميزانك يا ماما -الله يديكي الصحة يا ماما.
وأضافت: والله قلبي ابتسم قبل شفتي وشعرت بمعية الله،وشعرت بإن الخير لا يذهب سدى، وأن الله يذيق الإنسان نعم كثيرة لم يكن يتوقع أن تأتي من هنا،تذكرت إن الخير مش بيترمي في البحر زي ما كانوا بيقوللنا اعمل الخير وارميه البحر كنوع من عدم انتظار إن الخير ممكن أصلاّ يرجعلك تاني لكن الحقيقة إن الخير أصلًا في بحر الله...وكرم الله...سيرده عليك من أي مكان ومن أي شخص، عليك فقط أن تستقبل عطاءه، عليك فقط أن ترى وتحس وتقف عند المعاني،عليك أن تلاحظ..وتتوقف عند تيسيرات الله ولطف وسط لأعطال والمجهود المبذول، عليك أن تثق في الله حتى وإن لم تثق في أن البشر يرى ما تصنع ثق أن الله واسع الرزق
