كلنا بنغلط وبنتوه.. أول تعليق من لقاء الخميسي بعد أزمة زواج عبد المنصف
أعلنت الفنانة لقاء الخميسي عودتها لـ عبد المنصف بعد أزمة زواجه الأخيرة، مؤكدة أنها سامحت حبيب العمر، من أجل الحفاظ على بيتها الذي أفنت عمرها في بنائه، ومشددة على أنها لن تهدم عش الزوجية مهما كلفها الأمر.
أول تعليق من لقاء الخميسي بعد أزمة زواج عبد المنصف
وكتبت لقاء الخميسي منشورا، عبر حسابها الشخصي بموقع تبادل الصور والفيديوهات إنستجرام: الدنيا تختيرنا دائمًا وأبدًا، أيام بتسعدنا وأيام بتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن.. وبنقعد نفكر إيه الصح وإيه الغلط وهل اللي عدينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط ! وفي ناس بتغلط ويترجع لحكمتها ويتندم وتصحح الخطأ.
وأردفت الخميسي: “خطائين وخير الخطائين التوابين”، مفيش حد مابيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح، شكرا من قلبي لكل إنسان دعمني ووقف جنبي وطبطب عليا، وشكرا لكل أصدقائي المقربين اللي وفقو جنبي وكل من دعمني من أصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة.
واختتمت لقاء الخميسي حديثها: آخر حاجة هاقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بال.. لكل ست وربة منزل حافظي على بيتك وعيلتك بكل قواكي وأوعي تدي الفرصة لأي إنسان إنه يهدم بيت العيلة.
