تامر عاشور: أصحاب النفوس الضعيفة زعلوا من انتشار ألحاني بصوتي.. ومستحيل أخلي بناتي يغنوا
حل المطرب تامر عاشور ضيفًا في أحد البرامج التليفزيونية، إذ كشف خلال الحلقة عددا من المفاجآت، منهم كواليس غناء ألحانه بصوته، وحقيقة غضب زملائه من النجاح الكبير الذي حققته تلك الأغاني.
أبرز تصريحات تامر عاشور التليفزيونية
ـ الأغاني اللي لحنتها منجحتش أكتر لما غنتها بصوتي.. بس علشان أنا مش مجرد ملحن، أنا حاسسها وبحبها
ـ أصحاب الأغاني اللي لحنتها معرفش زعلوا ولا لأ لما قدمتها بصوتي بس ممكن أصحاب النفوس الضعيفة زعلوا
ـ زرعت شعري قبل كدة وحسيت أن بعد الزراعة شكلي مش حلو فشيلته
ـ بناتي محبش دخولهم الوسط الفني والولد يقدر يتعامل وأنا مش مع المساواة في الحاجات دي
ـ أنا مرتبط ببناتي جدًا ولو عندي ولد وعاوز يتجوز تمام لكن بناتي معتقدش أني أمشي الأمور بسلاسة
ـ أنا مش ضد المهرجانات ولا ضد أي نوع من الأغاني، بس هي اسمها مهرجانات
ـ الأغاني بتحتاج حد فنان ويكون له رصيد من أعمال ناجحة لأن النجاح والاستمرارية صعبين
ـ مش بغير من نجاح مطربي المهرجانات، المشاهدات العالية مش مؤشر للنجاح ولا مؤشر للاستمرارية
ـ طلعت إشاعة إني من دمياط معرفش ليه مع إني عمري ما عملت حفلة هناك
ـ أنا ضد التفرُّد وأني أقول مين أهم ملحن، لو قلت عمرو مصطفى ما في وليد سعد وخالد عز، لكن في الفترة دي عمرو مصطفى وعمرو الشاذلي أهم الملحنين.
ـ أدى موهبتي الشعرية 4 من 10، لأني مكتبتش حاجات كتير
ـ أغنية محظوظ مخدتش حظها في النجاح
ـ نفسي عمرو دياب وشيرين عبد الوهاب يغنوا من ألحاني عملتلهم قبل كده بس عاوز نقدم حاجة تانية سوا
