تامر الجيار: أنا اللي المفروض أدفع فلوس لأني اشتغلت في مسلسل بطل العالم.. وعصام عمر فاجأني وجابلي أحمد مالك
تحدث التيك توكر الشهير تامر الجيار، عن مشاركته في مسلسل بطل العالم، بطولة الفنان عصام عمر، والذي يعرض حاليًا وحقق نجاحًا كبيرًا منذ عرض أولى حلقاته.
وقال تامر الجيار، في تصريحات تليفزيونية: ناس كتير بتسألني أنت خدت كام في مسلسل بطل العالم؟، بقولهم أنا اللي المفروض أدفع فلوس لدرجة أني بكيت في آخر يوم تصوير، وبوجه الشكر لـ مخرج العمل اللي كبر المشاهد بتاعتي، وأول يوم لوكيشن تصوير فتحي عبد الوهاب، نده عليا وكلمني وكان عايز يخليني أخد على الفريق، مكنتش مصدق نفسي وأنا واقف قدامه، وقعد معايا وشرحلي المشهد وكنت موهوم بتواضعه.
ووجه تامر الجيار، الشكر لـ عصام عمر، الذي فاجأه بحضور أحمد مالك نظرًا لحب الجيار الكبير له، قائلًا: عصام عمر عايز أشكره، إزاي يكون هو بطل العمل وينزل ليا صورة، وأنا بحب أحمد مالك من الشاشة، عصام عمر كلمه وعملي مفاجأة وجابلي أحمد مالك، ونسيت كل حاجة أول ما شفته.
كما كشف الجيار، تفاصيل مشاهد الأكشن رفقة عصام عمر، قائلًا: آخر مشهد أكشن ليا مع عصام عمر، كنا بنضرب بعض بجد، وأول ما المشهد خلص جريت وراه وقولتله ورحمة أمي ما هسيبك.
أبطال مسلسل بطل العالم
ومسلسل بطل العالم بطولة عصام عمر، جيهان الشماشرجي، فتحي عبد الوهاب، ومن إنتاج طارق نصر وشركة ذا بلانت ستوديوز، وإخراج عصام عبد الحميد، وتأليف هاني سرحان.
