عمرو محمود ياسين عن جدل قصة وننسى اللي كان: الدراما بتاعتي مش لخدمة أهداف محددة
أكد الكاتب والسيناريست عمرو محمود ياسين، احترامه الكامل لمهنته ورؤيته الفنية، مشددًا على أن أعماله الدرامية نابعة من اختياراته الشخصية ولا تُكتب لخدمة أشخاص أو أهداف بعينها، وذلك ردًا على الجدل المثار مؤخرًا حول مسلسله الجديد «وننسى اللي كان».
عمرو محمود ياسين عن جدل قصة وننسى اللي كان: الدراما بتاعتي مش لخدمة أهداف محددة
وكتب عمرو محمود ياسين عبر حسابه موقع فيسبوك: بقرا كتير بوستات وتعليقات وبضحك من سذاجة المكتوب.. كلمتين هقولهم: عمر ما حصل ولا هيحصل إني أكتب الدراما بتاعتي لخدمة أهداف محددة.. لا حصل ولا هايحصل ولا عمر ده اتطلب مني أصلًا.
وتابع: أنا بحترم مهنتي جدًا وصوتي من دماغي.. أنا مؤلف بيحضر تصوير كل شوت في مسلسله عشان أضمن دايمًا إن النص بتاعي بيسير في الاتجاه اللي أنا مقتنع بيه، وبقف على الكلمة والحرف، وكل اللي اشتغلوا معايا عارفين الكلام ده.
وأضاف: يعني قصة أي مسلسل هي قراري واختياري عنوان المسلسل، أسماء الشخصيات، كل حرف وكلمة هو ملكي ومسؤوليتي، وفي نفس الوقت بيتم في إطار شغل جماعي واحترام متبادل بيني وبين كل عناصر العمل، لكن أي بقى تفصيلة تتشابه أو تتقاطع مع أي شخصية في الحياة فده أمر وارد، لأن أي مؤلف في الدنيا ينهل من وعاء الحياة والمجتمع اللي عايش فيه فكفاية افتراضات ساذجة.. والحمد لله إني بشتغل دايمًا مع فنانين ونجوم محترمين أقدر حجمهم وبيقدروا دوري وشغلي.. وأشوفكم قريبًا في رمضان إن شاء الله.
