بعد اعتزالها.. رحمة أحمد: أي شخص خايف يدعمني على السوشيال ميديا أنا حاسة بيه

وجهت الفنانة المعتزلة رحمة أحمد الشكر لكل من ساندها خلال الأسابيع الماضية، سواء من جانب أصدقائها في الوسط الفني أو خارجه.

ونشرت رحمة بوست على حسابها الخاص بـ«فيس بوك» قائلة: شكرًا لكم الكلام الإيجابي والتشجيع النفسي والمعنوي، وشكرًا لكل حد كتب كلمة حلوة في حقي ورد غيبتي على أي حاجة مش كويسة بتتقال عليّا، سواء من جمهور أو فنانين، خصوصًا فنانين وفنانات بيدعموني «Inbox»، وكل حد بيشتكيلي من تجربته اللي خايف حتى يعبر عنها أو يتكلم، يتقطع رزقه لو اتكلم.

رسالة رحمة أحمد لجمهورها

وأضافت: فيه اللي انقطع رزقه حرفيًا، وكل واحدة خايفة تدعمني قدام الناس لا حد يشوف كومنت بتاعها، أنا حاسة بيكي ومقدرة ومعاكي جدًا في ده لو لسه عايزه تكملي في شغلك، بس أهم حاجة عايزة أقولها، الرزق ده بتاع ربنا مش بتاع حد، وفي فنانين كبار جدًا عارفين باللي بيحصل ومش عاجبهم كمان القرف اللي بيحصل، لأن ببساطة شغلهم بيتظلم وسط فئة تانية مالهاش علاقة بالفن لا من قريب ولا من بعيد، معتبرينه سبوبة مش أكتر.

واستكملت قائلة: تاني بقول شغلانة زي أي شغلانة في العالم، فيها الحلو وفيها الوحش، بس الوحش صوته عالي وهمجي وبيغوّش على الكويس.

جدير بالذكر أن رحمة أحمد قد أعلنت اعتزالها التمثيل خلال الأسابيع الماضية، كما أنها رفضت الظهور في العديد من البرامج الفنية، واكتفت بالإعلان على السوشيال ميديا.