تيسير فهمي: قررت أرجع من فترة توقفي الفني.. أنا مش لاعبة كرة
أعلنت الفنانة تيسير فهمي، عودتها من فترة التوقف والابتعاد عن الوسط الفني، موضحة أنها ستعود من جديد إذا عُرض عليها عمل يناسب تاريخها الفني.
وقالت تيسير فهمي، في لقائها مع الإعلامي عمرو الليثي، في برنامج واحد من الناس: يمكن التوقف كان قرار، ولكن الرجوع مش قرار في إيدي، الدنيا والحياة اتغيرت، ولو اتعرض عليا عمل قيم مناسب ليا ولـ سني، أنا ممثلة مش لاعيبة كورة مش هعتزل يبقى مش هقدر أقوم تاني، وقررت العودة من التوقف.
تيسير فهمي تكشف تفاصيل غيابها عن الوسط الفني
وكانت كشفت تيسير فهمي، تفاصيل غيابها عن الوسط الفني لمدة 13 عام، قائلة: بعدت عن الفن 13 سنة، وسبب البعد ده سؤال أنا مش عارفة أجاوب عليه، لما بقعد أفتكر وبقول إزاي بقوا 13 سنة، ومعرفتش أرجع، السنين جريت فعلًا ومعرفتش إزاي جريت، ومش عارفة ليه ولا عشان إيه.
وتابعت تيسير فهمي: كنت مقررة أعمل محطة توقف كده وفجأة لقيت السنين جريت وبقوا 13 سنة، مش عارفة السنين جريت ليه واتجهت للحياة الاجتماعية والجمعيات الخيرية والدنيا خدتني، خدمة الناس محتاجة وقت وجهد.
