اتنين مايمشوش في جنازتي أخويا وطليقي.. سيدة تثير التعاطف بسبب منشور على فيس بوك
تداول مستخدمو السوشيال ميديا منشورًا لسيدة تستغيث فيه من شقيقها وطليقها؛ بسبب خلافات قائمة بينهم، تسببت لها في ديون مالية طائلة.
وشاركت السيدة منشورًا عبر حسابها الشخصي بموقع التواصل الاجتماعي فيس بوك قالت فيه: اتنين مش عايزاهم يمشوا في جنازتي أخويا اللي كل حقي وواخد شقتي غصب، ومش راضي يخرج منها، وعايش فيها بمراته وولاده، وأنا متبهدلة ومذلولة للإيجار بره عند الناس، مش مسامحاك لا دنيا ولا آخرة وأنا خصيمتك يوم القيامة، وكمان طليقي اللي خلاني غرقت في الديون عشان أقدر أصرف علي ولادي وأعيش ولادي وهو عايش في الدنيا يستمتع.
سيدة تثير التعاطف بسبب منشور على فيس بوك
وتابعت: الله لا يباركلك في أهلك ومالك وصحتك وعملك وعافيتك، تعيش وتموت وحيد تدوق القهر والذل والحوجة والمرض ومتلاقيش حد يسأل عنك، حسبي الله ونعم الوكيل.
ولاقى منشور السيدة تفاعلا واسعًا عبر منصات التواصل الإجتماعي حيث قال صاحب حساب: ربنا يهون عليكي ربنا يفك ضيقتك ويتولى أمرك وأمر عيالك.. ربنا يرزقكك من فضله ورحمته فإنه لا يملكها إلا هو، وأبشري الفرج جاي.
وقال مستخدم آخر: ربنا يهون عليكي ويهديهم ويردوا الحق لأصحابه، حقوق العباد دي دين قدام رب العالمين لو مخلصش في الدنيا هيخلص في الآخرة.
وأضاف صاحب حساب: ربنا يكرمك ويوسع رزقك.. الدنيا مبقاش فيها أمان.. ادعي لربنا وهيستجيب ليكي.
