رسالة هادي رياض لاعب بتروجت بعد إتمام انتقاله إلى الأهلي

حرص هادي رياض، لاعب الفريق الأول لكرة القدم بنادي بتروجيت والمنضم حديثًا إلى النادي الأهلي، على توجيه رسالة إلى مسؤولي الفريق البترولي.

هادي رياض وكامويش خارج بعثة الأهلي إلى تنزانيا

الأهلي يعتمد أعضاء اللجنة العليا للجان ورؤساء اللجان الفرعية

رسالة هادي رياض

وقال هادي رياض عبر حسابه الرسمي على فيس بوك: عايز أتوجه بالشكر لجميع العاملين في نادي وشركة بتروجيت، بداية من رئيس الشركة ورئيس النادي، والجهاز الإداري، والمشرف العام على الكرة، على مساعدتهم لي طوال السنين الأخيرة كلاعب ضمن الفريق وأحد كباتن الفريق.

وأضاف: عايز كمان أشكر الجهاز الفني بقيادة الكابتن والأب/ سيد عيد، على مساعدته المستمرة لي ولَباقي لاعبي الفريق منذ توليه مهمة الفريق، والصعود للدوري الممتاز، بمنتهى الإخلاص والتفاني في العمل، وجميع أفراد الجهاز.

وأكمل: عايز كمان أشكر الجهاز الطبي بالكامل، طول الوقت كانوا معانا ومخلصين في عملهم.

وزاد: عايز أشكر رجالة الأوضة اللي من غيرهم مستحيل كنا نقدر ننجح أو نوصل لأي هدف من أهدافنا اللي حققناها، كانوا دايمًا بيعملوا 200%، وعمرهم ما قصّروا معانا.

وواصل: إخواتي وأصحابي وأهلي ورجالتي ككابتن للفريق، لاعبي الفريق بالكامل، شكرًا على كل حاجة، من غيركم كنت مستحيل أقدر أوصل لأي حاجة، وبعتذر لكم لو كنت في يوم قصّرت مع أي حد، ربنا يعلم إني كنت دايمًا أخ وصاحب، ودايمًا كنت عايز أعمل لكم أفضل حاجة ككابتن للفريق وأخ، شكرًا.

واختتم قائلًا: مسيرة امتدت لأربع مواسم ونصف بين جدران نادي بتروجيت، ووصلت النهارده لنهايتها، ولنا لقاء إن شاء الله، شكرًا جزيلًا.