مروة عبد المنعم تعلن سرقة حسابها البنكي: حد سحب مبلغ كبير من فيزا المشتريات بتاعتي

أعلنت الفنانة مروة عبد المنعم سرقة حسابها البنكي، مشيرة إلى أنه تم سحب مبلغ مالي منها رغم عدم وصول رسالة تأكيد لها من البنك.

مروة عبد المنعم تتعرض لسرقة حسابها 

وقالت مروة عبد المنعم خلال منشور لها على موقع التواصل الاجتماعي فيسبوك: أنا في مشكلة ومحتاجة أهل الخبرة يفيدوني.. أنا دلوقتي اتعرضت لعمليه سرقة.. اكتشفت إن فيه حد سحب مبلغ كبير من فيزا المشتريات بتاعتي.. والغريب إن الفيزا معايا.. واتفاجئت بالبنك بيتصل بيا بيسألني لو عايزة أقسط المبلغ اللي اتسحب.. قلتله أنا ماسحبتش حاجة.. أكدلي إن فيه مبلغ اتسحب من الفيزا.. فعملت شكوى ووقفت الكارت.

وأضافت: دلوقتي المفروض أعمل ايه عشان أعرف عملية السرقة دي حصلت إزاي.. وإزاي ممكن حاجة زي دي تحصل والكارت معايا ومافيش حتى otp جالي.. البنك عايزني أسدد المبلغ وأنا عايزة أثبت إني ماسحبتش المبلغ ده.. حد يفهمني إيه الإجراء اللي ممكن أعمله؟

وفي سياق آخر، سبق وتحدثت مروة عبد المنعم عن خضوعها لعملية تجميل من خلال منشور لها على موقع التواصل الاجتماعي فيسبوك، معلقة على هذا الأمر: فيه ناس فاكرة إني عملت تجميل، وكتير جدًا مبيعرفونيش وبيقولولي عملتي إيه في نفسك، حتى أنا نفسي لو حد قالي معملتش حاجة يمكن ماصدقهوش، لكن دي الحقيقة والله، أنا معملتش أي حاجة غير إني لقيت نفسي وقويتها ووقفت جنبها وحبيتها.