سامح حسين عن فيلم استنساخ: معمول بـ 10 قروش
تحدث الفنان سامح حسين، عن تجربة فيلم استنساخ، موضحًا أن العمل لم تقام له دعاية كما يجب، مؤكدًا أنه كان من المقرر عرضه عبر المنصات الإلكترونية وليس دور العرض السينمائي.
وقال سامح حسين، في ندوته بمعرض الكتاب: فيلم استنساخ اتعمل فيه مجهود رائع وقوي جدًا، وأعتقد اللي شافوه أو هيشوفوه على المنصات هيدركوا ده، وهو أصلًا معمول للمنصات، ثم نجاح برنامج قطايف فقالوا نستغل ده وننزله في السينما، نزل سينما في العيد وهو أصلًا فيلم شتوي غير أن هو مش كوميدي وفلسفي أوي وتراجيدي، وأنه بالعمق ده ويبقى بعد العيد ده زيرو دعاية، هو مخسرش هو متكلف 10 قروش ومتباع بـ 12 قرش.
وأضاف سامح حسين: السينما موضوع تاني خالص وحسابات تانية خالص، ومش عايزين نتكلم فيها علشان محدش يزعل، وهما بيبقوا عارفين الفيلم هيكسب كام من قبل ما ينزل وهيطلع وينزل إمتى، ده سوق تاني خالص كويس إننا شغالين فيه، عامل زي السوشيال ميديا بيقولك أنت عايز تجيب في الفيديو ده كام مشاهدة؟، خلاص إدفع 1000 دولار وتلاقي المشاهدات، من قبل ما ينزل بيبقوا عارفين هيعمل كام وهينزل في كام دور عرض.
أبطال فيلم استنساخ
وبجانب الفنان سامح حسين يشارك في فيلم استنساخ باقة من نجوم الفن، أبرزهم الفنانة هبة مجدي، هاجر الشرنوبي، محمد عز، أحمد صيام، أحمد السلكاوي، والعمل من تأليف وإخراج عبد الرحمن محمد.
