أمير المصري: نجاح فيلم Giant في مصر فاق توقعاتي.. وأن تكون وسط ناسك إحساس غير عادي
تحدث الفنان أمير المصري، عن فيلم الدوكودراما Giant، الذي يعرض حاليًا في دور العرض السينمائية المصرية، معربًا عن سعادته الكبيرة بالنجاح الذي حققه العمل.
وقال أمير المصري، في لقائه عبر إذاعة نجوم FM: إحساس غير عادي لما بتكون وسط ناسك، أنا رحت مهرجان كان والدنيا كلها والفيلم اتعرض في مهرجانات عالمية، بس لما عملنا عرض خاص هنا في القاهرة جسمي قشعر لأني وسط ناس فعلًا عائلة وفيهم دفى.
وتابع: صناع الفيلم اهتموا بالدعاية في أوروبا وأنا لوحدي اللي نزلت هنا، وسبحان الله الفيلم تخطى توقعاتي في مصر، الفيلم حلو ويستحق يتشاف بعيدًا عني، والعمل مش بس عن الملاكمة ولكنه قصة بين أب وابنه.
وأضاف: أنا عايش في الجيزة وسط الزحمة والدوشة وأنا بحب ده، وبصور في ألمانيا ومحدش بيتكلم مع التاني وبيخافوا يبصوا على بعض، لكن هنا في مصر الناس جدعة وفي ضهرك في كل المواقف.
فيلم Giant
يشار إلى أن فيلم Giant أو العملاق من إخراج وسيناريو روان أثالي، وبطولة أمير المصري وبيرس بروسنان وغيث وعلي صالح وكونر بورتر وغيرهم وإنتاج سيلفستر ستالوني.
