أحمد سعد من برومو برنامج ABtalks مع أنس بوخش: الموسيقى هي اللي اختارتني.. وكنت عارف إني هنجح
يحل الفنان أحمد سعد ضيفًا على برنامج ABtalks، الذي يقدمه الإعلامي الإمارتي أنس بوخش، والمذاع على قناته الخاصة بـ يوتيوب، ومن المقرر أن يتحدث أحمد سعد عن بدايته الفنية، والعديد من الأمور الخاصة به إذ من المُقرر أن تذاع حلقته غدًا السبت.
أحمد سعد لـ أنس بوخش: الموسيقى هي اللي اختارتني
وظهر أحمد سعد من البرومو وهو يقول: الناس مش بيضحك عليها، وهما عرفوا أن أنا حقيقي والموسيقى هي اللي اختارتني من البداية.
أما عن متابعته لـ الانتقادات وهل يتأثر بتعليقات البعض على منصات التواصل الاجتماعي، أردف: بقالي 8 سنين مقرأتش أي كومنت واحد.. واللي نجحني إني عارف إني هنجح، ومفيش أحسن من إني أنزل الشارع والناس تقولي ألف سلامة عليك.
وسبق، أن أوضح الفنان أحمد سعد، سبب حديثه عن برنامج The Voice، الذي عُرض مؤخرًا عبر شاشة قناة MBC مصر، وحقق نجاحًا كبيرًا بالوطن العربي بعد نجاح المتسابقة جودي شاهين، من فريق الفنانة رحمة رياض، وحديثه بقول: أنا اتخدعت ليوضح ذلك الأمر.
وتحدث أحمد سعد في تصريح لـ القاهرة 24، حيث قال: بكن كل الاحترام لكل القائمين على البرنامج وأنا بتكلم عن نفسي الناس هتقول لو كنت كسبت كنت هقول اتخدعت؟ ولكن أنا بتكلم عن الغلطات اللي عملتها في حق نفسي وجمهوري مثل أحمد عوادي والجمهور اليمني وأنا غلطت في اختبارات كتيرة مكنش لازم أعملها.
وأردف أحمد سعد: اخترت حاجات مش بـ إرادتي الكاملة ومعرفش أقولها ولو اتعاد عليا الزمن زي أحمد عوادي في البرنامج كان ممكن أختارها بشخصيتي أنا ولكن اللي حصل حصل وكان المفروض ما اشتركش في التجربة دي أصلًا وده على شخصيتي أنا لأن طريقة البرنامج مش مناسبة ليا أنا.
