هاني مهنا: قلت لشيرين عبد الوهاب مينفعش تغني غير شعبي
تحدث الموسيقار هاني مهنا، عن الفنانة شيرين عبد الوهاب، موضحًا أنه نصحها بالغناء الشعبي في أول لقاء جمعهما، بجانب حديثه عن الراحلة ذكرى، كاشفًا سبب الخلاف الأخير بينها وبين زوجها والذي أدى إلى مقتلها على يد زوجها.
وقال هاني مهنا، في لقاؤه مع الإعلامية ياسمين عز: أول مرة قابلت شيرين عبد الوهاب سمعتني صوتها وغنت عيون القلب، وقلت لها أنتي صوتك حلو في الشعبي، وكلمة شعبي مش تقليل من قدرها، زعلت وعيطت، وبعدها غنت آه يا ليل واتصالحنا وقلت لها شفتي دي شعبي.
هاني مهنا: ذكرى صعبت عليا أنها موصلتش الإمكانيات اللي عندها
وتطرق هاني مهنا، للحديث عن الفنانة الراحلة ذكرى، قائلًا: ذكرى كانت من الأصوات التي لن تكرر، ولو عاشت كانت هتبقى نجمة عملاقة وإحنا اتحرمنا منها بدري، وإمكانياتها إحنا لسه مسمعناهاش، وصعب عليا أنها موصلتش لكل الناس الإمكانيات اللي عندها.
وتابع: خاصمتها لما اتجوزت أيمن السويدي 3 شهور، لأن التركيبة مش صح وهو مش فنان، وكنت خايف أن العلاقة تدمر واللي خفت منه حصل، ربنا يرحمهم هما الاتنين.
وكشف تفاصيل الخلاف الأخير بينها وبين أيمن السويدي، قائلًا: الخلاف الأخير بينهم كان بسبب الخلفة لأن هو كان عقيم لا ينجب وأخفى عليها الأمر، وكان مجروح لأنه مش قادر يسعدها ويجيب لها اللي هي عايزاه، فحصل نقاش وعرفت فيه أنه لا ينجب وحصل نقاش تاني وماتت فيه.
