رغدة الشيخ تكشف تفاصيل كتابها في حب أبي الغائب الحاضر: الحزن اللي جوايا طلع بالكتابة
كشفت المذيعة رغدة الشيخ، تفاصيل تأليفها كتاب (في حب أبي.. الغائب الحاضر)، والذي يعد أول كتاب لها شاركت به في معرض القاهرة الدولي للكتاب، موضحة أنها روت تجربتها الحقيقية بفقد والدها من خلال الكتاب.
رغدة الشيخ تكشف تفاصيل كتابها في حب أبي الغائب الحاضر: الحزن اللي جوايا طلع بالكتابة
وقالت رغدة الشيخ، في تصريح خاص لـ القاهرة 24: والدي توفى فجأة ونفسيتي مكنتش أحسن حاجة، وبعد كام شهر قررت أطلع اللي جوايا في الكتابة ولقيت نفسي على سنوية والدي الكتاب جهز وجربت تجربة النشر.
وأضافت: الكتاب بيتكلم عن الفقد والأب، بتكلم فيه عن والدي الله يرحمه لأنه كان أب جميل أوي، اتكلمت فيه عن مشاعر حقيقية ولما طلعت مشاعر الحزن اللي جوايا وفرق معايا، الكتاب فيه رسائل للأب والأبناء ودور الأب في حياة الأبناء.
وأوضحت رغدة الشيخ، أنها كانت حريصة على ترك تجربة فريدة في كتابها لـ قارئيه، قائلة: سايبة صفحات في آخر الكتاب علشان أي حد مر بتجربة الفقد يطلع اللي جواه في السطور اللي في الكتاب، لأن الألم اللي جوايا طلع في الكتابة، وكنت حابة أعمل حاجة ليه وهو كان أكبر دور في حياتي، وكان نفسي أعرف الناس كلها عنه قد إيه هو كان عظيم
كما كشفت رغدة الشيخ، سر تسمية الكتاب، موضحة: الكتاب في حب أبي والغائب الحاضر هو أنا، لأنه بعد ما مشي هو لسه موجود معايا وأي حاجة بعملها بتبقى بسبب، وتجربة الكتاب دي كانت هتسعده لو كان موجود.
