غادة عبد الرازق: قررت العزلة من 5 سنين.. وبنتي وأحفادي اتربوا على غادة القوية
كشفت الفنانة غادة عبد الرازق عن عمرها، مؤكدة أن الاهتمام بالذات لا يتطلب مرحلة عمرية، إلى جانب حديثها عن أوقات الضعف واليأس في حياتها.
غادة عبد الرازق: أنا عندي 55 سنة
وقالت غادة عبد الرازق في تصريحات تليفزيونية: دايمًا بقول سنّي الحقيقي علشان أوصّل لكل ست إن شكلها يكون زي شكلي، وإنها لازم تخلي بالها من جسمها زي ما أنا بخلي بالي من جسمي، مش لازم أكبر وأتخن وشعري يكون أبيض.
وتابعت: أنا عندي 55 سنة، معملتش حاجة غريبة ولا زيادة، ولا حتى عمليات تجميل، عملت كل الأمور الطبيعية ليه متبقيش زيي؟
وتطرقت غادة عبد الرازق في حديثها لقرار العزلة، واكتفائها بـ تقديم أعمال فنية وقضاء وقت مع عائلتها، معلقة: قررت العزلة من 5 سنين، ووقفت وقفة مع نفسي من سنتين، بعد ما اتأذيت فنيًا وشخصيًا، قلت هركز مع بنتي أحفادي وشغلي بس.
أما عن ارتدائها ثوب القوة بين عائلتها وجمهورها، قالت غادة عبد الرازق: بنهار وبقفل باب الأوضة لما بعيط، ومحدش هيتخيل شكلي لما يشوفني، بوصل ساعات إني مبعرفش أتنفس، وعائلتي لو شافوني ههزهم.. مقدرش أكسرهم، اتربّوا وكبروا على قوة غادة.
وواصلت: الشهرة خدت مني البراءة، قبل كده كنت بتخانق مع أختي وقالتلي أنا زعلانة إن المجال ده خلاكي كده وسابتني ومشيت.
