لما بروح أي بلد لازم أزور الكنيسة.. ميمي جمال: أمي علمتني إن ربنا واحد في كل الأديان
كشفت الفنانة ميمي جمال، أسرارًا عن حياتها الشخصية وسبب عدم استقرارها في اليونان رغم جنسية والدتها اليونانية، بجانب الحديث عن بدايتها بالمسرح.
وقالت ميمي جمال، خلال ندوتها بقصر السينما: ليلى علوي والدتها من اليونان زيي، ولما بيكون فيه حاجة هناك بيبعتولي في السفارة، هما طيبين وبيحبوا المصريين أوي، وخالتي كان ليها بيت في اليونان، ولما ماتت سألت على بيتها، قالولي علشان تاخدي شقة في اليونان لازم تكوني ساكنة هناك 6 سنين، وطبعا أنا زعلت على خالتي والشقة بصراحة.
وأضافت: أمي مسيحية وأنا مسلمة وعلمتني إن الدين كله لربنا، ولما كنت بروح الكنيسة واخد كرمات القسيس كان حسن مصطفى يقول لـ أمي أنتي نصرتيها ولا إيه؟، وحتى الآن بحب أروح الكنيسة وأقف أولع شمعة هناك.
وعن كواليس بدايتها بالمسرح، قالت ميمي جمال: بعد ما قدمت مسرحية مع الست ماري منيب قالت دي تمشي من المسرح متجيش تاني، قالت لي إنتي خيلتيني وأنا ارمي الإيفيه إنتي بتدوسي على الإيفيه بتاعي لما أقول إيفيه تقعدي متتحركيش من مكانك.. بعدها اتصالحنا وبقينا أصحاب.
أعمال ميمي جمال
وعلى جانب آخر، تشارك الفنانة ميمي جمال، في مسلسل أب ولكن من تأليف وسيناريو ماريان هاني، وتشرف على كتابته وإخراجه ياسمين أحمد كامل، ومن إنتاج شركة سينرجي.
