صديقة الفتاة الأجنبية صاحبة واقعة محمود حجازي لـ القاهرة 24: بيهددني علشان أنا شجعتها تتكلم
علقت أنجلينا فارس صديقة الفتاة الأجنبية من أصل مصري التي اتهمت الفنان محمود حجازي، في محضر رسمي بالتعدي عليها جنسيًا على الواقعة.
وقالت فارس في تصريحات لـ القاهرة 24: البنت المسكينة دي لما رجعت بلدها من مصر كانت حالتها النفسية سيئة جدًا، وقالتلي إنها كانت عايشة تحت التهديد والخوف.
صديقة الفتاة الأجنبية صاحبة واقعة محمود حجازي لـ القاهرة 24: بيهددني علشان أنا شجعتها تتكلم
وأضافت: أنا والبنت دي كنا على التيك توك مع بعض، ونعرف بعض من خلاله.. وإحنا كنا من الناس اللي في الفريق بتاع محمود حجازي على تيك توك.
وتابعت أنجلينا فارس ذات الأصول العربية: هي كلمتني وكانت منهارة وحالتها تعبانة جدًا.. وهي مرضيتش تاخد اي إجراء.. ولما حسيت إن حقها بيضيع، أنا شجعتها وقلت لها لازم تنزلي مصر وتعملي محضر، وإن حقك لازم يرجعلك.
واختتمت حديثها قائلة: محمود وأصحابه هددوني عشان أنا اللي شجّعتها تتكلم عن اللي حصل لها وما تتنازلش عن حقّها.. أنا بطلب من الجهات المختصة حمايتي أنا وهي من محمود حجازي وأصحابه، والفريق اللي عنده على التيك توك، اللي مش سايبنا في حالنا.
