خليهم يحسوا بالفقراء.. ياسمين عز توجه نصيحة للسيدات: رمضان شهر عبادة مش بط
وجهت الإعلامية ياسمين عز، رسالة للسيدات تزامنًا مع حلول اقتراب شهر رمضان المُبارك وذلك في برنامجها كلام الناس المذاع على قناة إم بي سي مصر.
وتحدثت ياسمين عز قائلة: أول يوم رمضان بلاش تبقي تقليدية وتعملي بط ومحشي زي مصر كلها.. غيري واعملي فول وبتنجان في أول يوم عشان تخليهم يحسوا بالفقراء والمحتاجين ورمضان شهر عبادة مش شهر بط.
وأردفت ياسمين عز: وأنتي بتبشري البصل ألبسي في إيدك غوايش تشخلل فيدي صوت ونكهة مختلفة في الأكل.. وبرضو يعرفوا أن جوزك مبيعكيش ذهبك في رمضان بس هيبيعهولك في العيد.
وسبق أن تحدثت الإعلامية ياسمين عز، عن حجب لعبة روبلوكس الشهيرة في مصر، موجهة العديد من النصائح للآباء للتعامل مع أبنائهم ومراقبة أفعالهم، محذرة من استخدام الأطفال للطرق غير الشرعية لاستخدام اللعبة من جديد وقالت ياسمين عز، في برنامجها كلام الناس: أخيرًا قفلنا لعبة روبلوكس، مش عارفة إيه سر ارتباط الأطفال الشديد باللعبة دي، وهنا كان لازم يبقى فيه وقفة.. والدولة عملت اللي عليها ومفيش أهم من ولادنا وطلع قرار بحجب اللعبة في مصر، ومجلس النواب بيجهز مشروع قانون علشان استخدام الموبايل من سن معين وبيشوفوا إيه المنصات والألعاب اللي ممكن تتقفل زي منصات المراهنات علشان نحمي أولادنا.
