بعد فيديو المحامين..هجوم على البلوجر عمرو مصطفى بعد السخرية من الممرضين
أثار فيديو لـ البلوجر عمرو مصطفى حالة من الجدل عبر منصات التواصل الاجتماعي بعد الإساءة فيه للممرضين بصورة واسعة بعد أيام قليلة من نشر فيديو عن مهنة المحاماة ليظهرهم جالسين أمام المحاكم بحثًا عن أي قضية، وازداد الهجوم على البلوجر بعد نشره فيديو يسيء للمرضيين بعنوان يوم الولادة.
هجوم على البلوجر عمرو مصطفى بعد السخرية من الممرضين
لاقى فيديو البلوجر عمرو مصطفي الخاص بالممرضين وعنوانه يوم الولادة، حالة هجوم واسعة بعد انتشاره بساعات قليلة عبر منصات التواصل الاجتماعي، ظهر فيه مجموعة من الممرضين يطلبون أموالا من المرضى خلال أداء عملهم كنوع من الإكرامية مقابل قيامهم بعملهم.
ومن أبرز التعليقات على الفيديو المتداول: اللي ظهرت به مهنة التمريض ده منظر مستفز ومسيء لأي حد شغال في المهنة دي.
الحقيقة اللي ناس كتير متعرفهاش إن التمريض في أرض الواقع غير اللي بيتعرض خالص، إحنا أوقات كتير بنشد في بعض علشان نقص مستلزمات، أو نكمّل علاج حالة، أو نساعد مريض من غير ما حد يشوف أو يعرف. محدش فينا بيمد إيده.
وشارك مستخدم آخر منشورًا جاء فيه: من عادتي مبحبش أطلع أتكلم عن حد بس أكيد ليا حق الرد، بما أني تمريض لما أشوف منظر مقرف زي ده.. الشخص ده طل علينا بفيديو اسمه "يوم الولادة" ومطلع صحابه لابسين سكراب كتمريض وممرضة مشرفة دور وكلهم بالمنظر ده "اه بيمدوا إيديهم، اللي حضرتك متعرفهوش إن في الحقيقة إحنا أوقات كتير بنلم من بعض عشان مستلزمات وعلاج الحالة الناقص ..إحنا محدش فينا بيمد إيده، ويا سيدي لو حتى قابلت الموقف ده في يوم من الأيام فكل المهن فيها كده اشمعنى التمريض!!
والناس اللي أنت مطلع صورتهم بالمنظر ده هما هما في الحقيقة أول ناس بيراعوا ربنا فيك لو حصلك أي حاجة.
