صالح جمعة: إمام عاشور حاسس إنه مظلوم وشايف إن طريقة التعامل معاه لازم تكون أفضل
قال صالح جمعة لاعب الأهلي الأسبق إنه كان متواجدًا مع لاعب الفريق الحالي إمام عاشور من أجل تناول وجبة العشاء في مكانٍ ما.
تصريحات صالح جمعة
وفي تصريحات لبرنامج الكرة مع فايق، أضاف صالح جمعة في تصريحاته قائلًا: إمام عاشور عنده مطالب خاصة من النادي، وحاسس إنه مظلوم، وبيشوف نفسه أفضل لاعب في مصر ومتفوق ماديًا عن أي حد حواليه.
وأشار: بعيدًا عن الفلوس، هو كمان شايف إن طريقة التعامل معاه محتاجة تبقى أحسن من كده، وهو قدامه عروض كويسة بأرقام محترمة، وبيفكر في مستقبله وعايز تعاون من النادي.
وأردف صالح جمعة قائلًا: في الآخر، الكل عايزه يكمل ويبقى موجود، والموضوع ممكن يتحل بشكل هادي ونقعد معاه ونجددله سنتين.
وأتم صالح جمعة: اللي مضايقه فعليًا هو الجانب المادي، وهو العامل الفاصل في كل حاجة.
هل يعتزم الأهلي العفو عن إمام عاشور؟
في وقت سابق، قال أحمد شوبير إنه لا نية لـ الأهلي عن تراجعه بشأن عقوبة إمام عاشور بخصوص فترة الإيقاف وعودته للتدريبات الجماعية، وأن اللاعب ملتزم بتنفيذ القرار بالكامل.
أما بخصوص ملف تجديد عقد إمام عاشور، أوضح أحمد شوبير أن هذا الملف مغلق تمامًا في الوقت الراهن، بعدما ترددت أنباء عن فتح باب المفاوضات، إلا أن المصدر أكد أن إدارة الأهلي أبلغت اللاعب باستمرار عقده لمدة موسمين مقبلين، وبالتالي لا توجد أي مناقشات جديدة بشأن التجديد أو تعديل بنود التعاقد.
