رسالة شيكابالا لـ مسؤولي الزمالك: الجمهور محدش يعرف يوجهُه.. ولازم تساعدوه بكل قوة
حرص محمود عبد الرازق شيكابالا نجم نادي الزمالك السابق على توجيه رسالة إلى مسؤولي القلعة البيضاء، على خلفية الأزمات المتعلقة بالجماهير خلال الفترة الماضية.
تصريحات شيكابالا
وقال شيكابالا في تصريحات عبر قناة MBC مصر: مينفعش جمهورنا يبعد لازم تقرب جمهورك منك، وحصلت ظروف والجمهور ما ساندش اللعيبة قدام زيسكو في زامبيا.
وأضاف شيكابالا: لازم تقربهم منك وتساعدهم بكل قوة، ومينفعش نقول أصل شيكا بيكلم مين علشان نتشتم في المدرجات مفيش الكلام ده.
وأكمل شيكابالا: جمهور الزمالك محدش يعرف يوجهُه، ويقوله تعمل إيه وميعملش إيه.
وواصل شيكابالا: كل واحد عنده مشكلة مع حد ياريت يقفل بُقه دلوقتي ونركز كلنا ورا الزمالك في الفترة الصعبة دي.
واختتم شيكابالا تصريحاته قائلا: هكون في الاستاد يوم مباراة كايزر تشيفز بالكونفدرالية إن شاء الله.
ويلتقي الزمالك مع فريق كايزر تشيفز يوم السبت المقبل، على استاد هيئة قناة السويس ضمن منافسات الجولة السادسة من بطولة الكونفدرالية الإفريقية.
