مصدر: القبض على المتهم بالتحرش بفتاة داخل الأتوبيس
قال مصدر، إنه تم القبض على المتهم بالتحرش بفتاة داخل أتوبيس بالمقطم، مشيرا إلى أنه يتم إجراء التحريات اللازمة، للتأكد من صحة مزاعم الفتاة من عدمها، بحسب حديثه لـ القاهرة 24.
القبض على المتهم بالتحرش بفتاة داخل الأتوبيس الترددي
وقال المتهم في الواقعة والذي يدعى أسامة لـ القاهرة 24، إنه أنهى عمله في الخامسة والنصف مساءً، واستقل الأتوبيس الترددي متجهًا إلى طريق الأوتوستراد، مشيرًا إلى أن الطريق كان شديد الزحام.
وأضاف: فجأة لقيتها بتقول عليا متحرش وحرامي، والكمسري كان معدي قالها يا بنتي محدش خد منك حاجة، ردت وقالت لأ ده من زمان خد مني 200 جنيه، والناس كلها كانت مستغربة وبيقولوا إن البنت دي عندها حالة ومش طبيعية.. الموضوع بقاله أسبوع على كلامها، طيب لو أنا بضايفك وبسرقك من أسبوع، إزاي مستحملة كل ده وساكته؟.
وعن الجدل الذي أثير بسبب حديثه عن ملابس الفتاة، قال: الناس هاجمتني علشان كلمتها على اللبس، وأنا قلت إن ده مش مبرر لأي حاجة، والراجل اللي كان ماسك سبحة جنبي لما سمعها بتقول ديني وديني قالها الدين بريء منك بسبب لبسك.
وأشار إلى أن عددًا من الركاب طلبوا منه الابتعاد عنها حتى لا تتفاقم المشكلة، مؤكدًا: أنا راجل متربي ومتجوز وعندي أخت وأم، وحسبي الله ونعم الوكيل حقي هيرجع وهيظهر، والبنت دي شهرت بيا واتبلت عليا، ومش هسيب حقي بالقانون.
واختتم حديثه بالتأكيد على ثقته في الأجهزة الأمنية لكشف حقيقة الواقعة، ومحاسبة من أساء إليه أمام الرأي العام.
