بعد واقعة إجبار شاب على ارتداء ملابس نسائية.. سما المصري لـ محمد رمضان: ذنب الناس دي في رقبتي أنا وأنت
وجهت سما المصري، رسالة للفنان محمد رمضان، بعد واقعة إجبار شاب على ارتداء ملابس نسائية بـ بنها، وهو المشهد الذي قُدم من قبل في مسلسل الأسطورة بطولة رمضان، وأثار جدلا كبيرا وقت عرضه.
وكتبت سما المصري، عبر حسابها بـ فيس بوك: الله يسامحك ويسامحني أنا وأنت اشتركنا في إفساد جيل كامل، أنا بالعري واللبس والحركات اللي كنت بعملها وأنت ببعض أعمالك اللي كانت بتحرض على البلطجة والعنف والناس كانت بتقلدها.
وأضافت سما المصري: قميص النوم اللي لبسته للشاب في الشارع في مسلسل الأسطورة الشباب نفذوه فعليًا النهاردة بمنتهى الحقارة والوقاحة وعدم الرحمة مع شاب من بنها وزفوه وضربوه في الشارع، ودي نتيجة دور وأدوار تانية أنت ومنتج ومخرج اشتركتوا فيها بقصد أو من غير قصد بوظت شباب كتير زي ما أنا عملت بالظبط.
واختتمت سما المصري: ذنب الناس دي في رقبتي أنا وأنت يا محمد، ياريت ما تعملش النمط دا تاني وتختار أدوارك زي ما أنا بدأت اختار طريق الصح وبحاول أكمله للآخر.
