مؤلف “شقة فيصل” بعد تقرير لجنة الدراما ساخرًا: “هعملكم أفلام كارتون” (صورة)

في أول تعليق من مؤلف مسلسل شقة فيصل السيناريست محمد صلاح العزب على التقرير الخارج عن لجنة الدراما المُنبثقة عن المجلس الأعلى للإعلام والتي قالت أنها رصدت بعض الألفاظ الخادشة والماجنة في مسلسلات رمضان، وكان للعزب نصيب من هذ التقرير بمسلسله شقة فيصل.

حيث قال العزب عبر حسابه الرسمي على موقع التواصل الاجتماعي فيسبوك: “في اختراع خزعبلي كده اسمه “لجنة متابعة ورصد دراما رمضان”، ودي لجنة منبثقة من “لجنة الدراما” المنبثقة من “المجلس الأعلى للإعلام”.. الشيء اللي اسمه لجنة المتابعة ده بقى طلع تقرير عن أول حلقتين في مسلسلات رمضان ورصد فيه الألفاظ الخادشة والماجنة والإيحائية ونشرها في الجرايد.

واضاف العزب قائلا: “لمحاسن الصدف إنه خد مسلسلي “شقة فيصل” اللي بيتعرض على إم بي سي مصر، نموذج للفسق والمجون والألفاظ اللي لو اتمنعت هتبقى تحيا مصر بالجامد، إيه هي بقى الألفاظ الماجنة التي تقشعر لها الأبدان بقى.. اتفضل يا سيدي.. ده من نص التقرير: ما قالته أحد بطلات المسلسل لشقيقتها: “مش عايزة اطفح..اطفحي انتى لوحدك.. انتى بوز فقر”، الواد زغللة ابن الكلب..أصله مشفش تربية، تربية شوارع.

ثم استطرد ساخرًا: “صقفة جامدة يا جماعة للجنة حماية الدراما.. ده إيه الفسق والمجون ده كله.. دي قالت لها انتي بوز فقر.. مفروض نقيم عليها الحد بقى.. ازاي تقول كده، هنبقى نعمل لكم مسلسلات كرتون بعد كده اللي يزعل من التاني يضربه بالمصاصة ويقوله أنا مخاصمك يا وحش.”