مش عايز أشيل ذنوب.. خالد الصاوي: مستحيل أقدم دور فيه محارم.. وممكن أعمل شخصية منحرف لو فيه رسالة
تحدث الفنان خالد الصاوي، عن معاييره في اختيار أدواره الفنية، مؤكدًا أنه يضع تأثيره في المجتمع نصب عينيه قبل الموافقة على أي عمل جديد.
مش عايز أشيل ذنوب.. خالد الصاوي: مستحيل أقدم دور فيه محارم ولكن ممكن أعمل شخصية منحرف لو في رسالة
وقال خالد الصاوي خلال لقائه مع القاهرة 24: أنا عارف قد إيه أنا شخصية مؤثرة في المجتمع، فده بيخليني أختار أدواري بعناية، يعني أنا مستحيل أعمل دور في محارم، فرضًا أتقنت الدور وده أثر على ناس ضعاف النفوس، أشيل أنا ذنبهم؟ لا طبعًا.. أنا ممكن أعمل دور شخص منحرف، بس يكون في رسالة العمل بيوصلها.
ومن جانب آخر، سبق ورد خالد الصاوي على الانتقادات التي تعرّض لها بعد تصريحاته الأخيرة حول إمكانية تقديم شخصية الصحابي خالد بن الوليد في عمل فني.
وقال خالد الصاوي خلال تصريحاته مع القاهرة 24: الحوار بتاع خالد بن الوليد اتجزّأ، لأني أنا اتسألت وأنا خارج من المعرض مين من الصحابة اللي حابب أقدم شخصيته، وإجابتي كانت بوضوح إن الموضوع ده شائك وحساس، وإني مستحيل أعمل شخصية زي دي غير لو متأكد من موافقة الأزهر ودار الإفتاء.
وتابع: لما قولت خالد بن الوليد، هو أتقدم زمان في السينما بطولة حسين صدقي، يعني اتعمل في مصر واتوافق عليه، أنا ما عملتش بدعة يعني اللي بينتقد المفروض يفكر الأول، أنا ما ابتدعتش الموضوع ده، هو أصلًا اتعمل قبل كده، ولو ينفع إن الشخصية دي تتقدم هكون سعيد جدًا بيها.. بس أعتقد إن أنا كبرت على إني أعمل الشخصية دي، بس لو ينفع أتمنى، بس أنا مش هدخل في أي مشكلة ليها علاقة بالدين.
