وفاة الفنان عادل هلال
رحل عن عالمنا الفنان عادل هلال، في هدوء كما عاش حياته، تاركًا خلفه سيرة طيبة ومحبة كبيرة في قلوب من عرفوه وعملوا معه.
وحرص الفنان إبراهيم عمران على تقديم واجب العزاء والمواساة لأسرة الراحل، كاشفًا تفاصيل مؤثرة من آخر تواصل جمعه بالراحل، عبر حسابه على “فيسبوك”، حيث كتب:«البقاء لله وحده، توفي إلى رحمة الله الفنان عادل هلال، الله يرحمه ويغفر له ويسكنه فسيح جناته يا رب العالمين».
وأردف: منذ حوالي 20 يومًا، وجدت ابنته تتصل بي وتقول لي: بابا بيسلم عليك جدًا وبعت لك السلام، وهو الذي أعطاني رقم هاتفك لأنني كنت في العمل، فقالت لي: لازم أوصل لك الرسالة. فقلت لها: ده باباكي حبيبي وصديقي من سنين، واشتغلت معاه في حاجات كتير زي فيلم «البلدوزر» بتاع يوسف منصور، وكانت شيرين سيف النصر أول مرة تمثل معانا في الفيلم، وكان الفيلم من إخراج حسام الدين مصطفى.
وتابع: الله يرحمه، مع احترامي للألقاب طبعًا، غير كده اشتغل كتير في كل أفلام نادية الجندي كلها. الله يرحمه، كان إنسانًا محترمًا وبيحب الناس كلها، وكان محبوبًا من الجميع، وكان بيحب شغله جدًا وملتزمًا في كل أعماله. عاش في صمت ورحل في صمت، وأنا موجود في مكان التصوير اليوم.
وأضاف: ابنته قابلتني، ولقيت اللي بيقولي: إزيك يا أستاذ إبراهيم؟ قلت لها: أهلاً وسهلاً بحضرتك. قالت لي: إنت مش عارفني؟ قلت لها: مش واخد بالي، بحسبها ممثلة أو حد اشتغل معايا قبل كده. لقيتها بتقول لي: أنا بنت الأستاذ عادل هلال. قلت لها: بابا عامل إيه؟ ده وحشني جدًا وكنت لسه مكلمه. قالت لي: بابا توفي إمتى؟ قلت لها: من إمتى؟ ده أنا لسه مكلمه وبطمن عليه. صدمتني. لا حول ولا قوة إلا بالله العلي العظيم، الموت علينا حق، وإنّا لله وإنّا إليه راجعون. فعلًا ربنا يكفينا شر الغفلة، وللأسف محدش يعرف حاجة عنه.
