كانوا رايحين يشتروا موتوسيكل.. لحظة سرقة شنطة بها 38 ألف جنيه وكروت فيزا داخل مطعم فول وطعمية بالوكالة
تفحص الأجهزة الأمنية تداول مقطع فيديو يتضمن مغافلة سيدة شخصين حال وجودهما داخل مطعم وسرقة حقيبة بداخلها مبالغ ماليه وكروت بنكية وسط مزاعم حدوث الواقعة في الوكالة.
الأمن يفحص واقعة سرقة شنطة تحتوي على 38 ألف جنيه وكروت فيزا داخل مطعم فول وطعمية بالوكالة
وتعود تفاصيل الواقعة إلى تداول مستخدمي مواقع التواصل الاجتماعي فيس بوك منشور مدعوم بمقطع فيديو لتعرض شخصين لواقعة سرقة حقيبة بداخلها مبالغ مالية وبطاقات بنكية بالوكالة.
وكتب ناشر الفيديو عبر حسابه على فيس بوك، يوم 16/2 كنت في الوكالة عشان أشتري لبابايا مكنة، بعد ما خلصنا لفّينا نفطر في مطعم فول وطعمية هناك، وإحنا قاعدين، جت ست لابسة أسود وفضلت تكلم بابايا وتطلب مساعدة، وتقول “حاجة لله”. وطبعًا إحنا في شهر خير، والواحد بيحاول يساعد على قد ما يقدر، لأن فعلًا فيه ناس محتاجة بجد وربنا عالم بالنيات.
وزعم: الست دي استغلت إننا مش مركزين، وفضلت تقرّب من الكرسي اللي عليه شنطتي، وفي لحظة غفلة خدت الشنطة ومشيت، الشنطة كان فيها 38000 جنيه كاش — جزء من فلوس المكنة — غير كروت الفيزا، بطاقتي الشخصية، باور بانك، سماعة، ووصلة شاحن. يعني مش مجرد فلوس، دي تعب سنين وشغل يوم ورا يوم.
وادعى: الحمد لله إن باقي المبلغ كان على الفيزا، وده ستر من ربنا، لكن برضو 38،000 جنيه مش رقم صغير، ومش سهل على حد يخسر تعبه بالشكل ده، من جانبها تفحص الأجهزة الأمنية تداول مقطع الفيديو لكشف جميع ملابساته، واتخاذ الإجراءات القانونية اللازمة حيال الواقعة.
