حبس طبيب تغذية شهير سنة مع الشغل بتهمة الإهمال الطبي وإحداث عاهة مستديمة لمهندس بالقاهرة
قضت المحكمة المختصة بمعاقبة طبيب تغذية شهير بالحبس لمدة سنة مع الشغل على خلفية اتهامه بالتسبب في واقعة إهمال طبي وإحداث عاهة مستديمة لمهندس.
حبس طبيب تغذية شهير سنة مع الشغل
وفي وقت سابق، قررت جهات التحقيق المختصة إحالة طبيب تغذية شهير للمحاكمة الجنائية على خلفية اتهامه بالتسبب في واقعة إهمال طبي وإحداث عاهة مستديمة لمهندس.
وفي ذات السياق، قال المجني عليه: اتعرضت لإهمال طبي من دكتور معروف وعياداته في القاهرة كلها، لمدة شهرين كاملين، دخلت أعمل بالون المعدة وخرجت وتركيبها سليم، بعد العملية الدكتور قاللي التعليمات وأنه أسبوع والأعراض بتروح وأعيش حياتي عادي جدا.
وأضاف، بس للأسف الأعراض فضلت مستمرة بعد أول أسبوع بدون أي أكل وغثيان متواصل حتى لو شربت مية، وفي المتابعة الدكتور غيرلي الأدوية وقالي عادي جدا وأنت خسيت كويس أوي.
وتابع: فضلت على نفس الحال ورحتله بعد أسبوع كمان بقترح نشيل البالون رفض وقاللي نصا أنا مستخسر نزولك في الوزن بلاش نشيلها وفضلت أتعب أكتر وقعدت 45 يوم من غير ولا لقمة وكل ما أحاول أتواصل معاه المساعد يرفض يخليني اكلمه ويروح يوصله كلامي ف يبعتلي مع المساعد أسماء محاليل أعلقها.
