تأجيل محاكمة سارة خليفة و27 آخرين في قضية المخدرات الكبرى لجلسة 7 أبريل لمرافعة الدفاع
قررت محكمة جنايات القاهرة الجديدة، تأجيل محاكمة سارة خليفة و27 شخصًا آخرين، بتهمة تكوين تشكيل عصابي لجلب مواد تصنيع المواد المخدرة من الخارج، وتصنيعها داخل مصر وتوزيعها والإتجار فيها إلى جلسة 7 أبريل لمرافعة الدفاع.
تأجيل محاكمة سارة خليفة و27 آخرين في قضية المخدرات الكبرى لجلسة 7 أبريل لمرافعة الدفاع
واستمعت هيئة محكمة جنايات القاهرة الجديدة لمرافعة دفاع المتهم الثامن عشر في قضية المخدرات الكبرى، والمتهمة فيها سارة خليفة و27 متهما آخرين.
ودفع محامي المتهم الثامن عشر بعدم دستورية نظر القضية، بعد قرار المحكمة الدستورية، كما طالب أجل من المحكمة للمرافعة.
من جانبها قالت هيئة المحكمة إن المتهمين في القضية موجه لهم تهم حيازة الأسلحة النارية والحشيش المخدر وبناء عليه نستكمل سماع مرافعة الدفاع في هذه الاتهامات
واستمعت هيئة محكمة جنايات القاهرة الجديدة لأقوال ناصر عيد رمضان، حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرين.
اعترافات شاهد نفي بقضية سارة خليفة
ووجهت له المحكمة سؤال حول ما هي صلته بالمتهم السادس عشر في القضية؟ أجاب الشاهد: معرفش اسمه كامل غير إن اسمه هاني ومعرفش الواقعة حصلت امتى، واللي أعرفه عنه إنه ساكن في العمارة عندي في حدائق الأهرام من حوالي 3 أو 4 أو 5 شهور.
واستكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراج وقالي هاتلي المكواة، ولما روحت مراتي طلبتني وقالتلي في ناس عايزينك.
وواصل: لما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراج ومشيوا وهما اللي قفلوا الباب.
كما استمعت هيئة محكمة جنايات القاهرة الجديدة، المنعقدة بمجمع محاكم القاهرة الجديدة، إلى أقوال المتهم السادس عشر في قضية سارة خليفة.
قضية سارة خليفة
واستهل المتهم السادس عشر حديثه أمام هيئة المحكمة: أنا معايا 25 متهم في القفص معرفش فيهم ولا واحد، ولما الشرطة قبضت عليا سألتني تعرف المتهم الـ15 منين؟.
وأضاف المتهم السادس عشر خلال حديثه: كل ذنبي إني بعت عربية بمليون ونص لواحد من المتهمين، والكاميرات تثبت إني مليش أي علاقة بالقضية، أنا ايه اللي جابني في القضية دي أنا معرفش حاجة عن أي حاجة.
