إيناس عز الدين: عبلة كامل كانت عايزة تعتزل من سلسال الدم.. ولغت مشهد بسبب رفض الفنانين تعديل الاسكريبت
كشفت الفنانة إيناس عز الدين، كواليس تعاونها مع الفنانة عبلة كامل، في الأجزاء الخمس لمسلسل "سلسال الدم"، الذي يعد أخر عمل لها قبل اعتزالها للفن.
إيناس عز الدين: عبلة كامل كانت عايزة تعتزل من سلسال الدم
وقالت إيناس عز الدين خلال لقاء تليفزيوني لها: "كان لوكيشن مسلسل سلسال الدم جميل كله احتواء وهي ست جميلة، واشتغلنا مع بعض كل أجزاء سلسال الدم، وكنا بنصور من الظهر مثلا لـ 3 الفجر عشان كانت أجزاء متواصلة.
وتابعت إيناس عز الدين: كنا حاسين أن عبلة كامل، إنها هتعتزل الفن من آخر جزء كانت دايمًا بتقول وحاجة روحانية كده جواها بتاعتها، تعبت برضو وكانت بتقول كفاية كده.
كما علقت إيناس عز الدين، على حذف عبلة كامل لمشاهد الفنانين المشاركين معها في الأعمال الفنية، وقالت: رفضت تقديم الجزء السادس من سلسال الدم، أو يتم كتابته، لو في حاجة في دوري تيجي وتستأذن بالمحبة وتقول مينفعش تتقال كده، مبتشلش أدوار من حد، هي مش بتقصقص، هي بتقول مثلا قولناه قبل كده، فيجي المخرج يوضح قولناه فين.
وأضافت إيناس عز الدين: في ممثلين اعترضوا على التعديل زي ما طلبت منهم عبلة كامل، وبعدها رفضت تقدم المشهد، وقالت أنا مش مسيطرة يا جماعة ولا حاجة بقول لمصلحتنا.
يشار غلى أن الفنانة عبلة كامل حققت نجاحًا ملحوظًا بمسلسلها سلسال الدم، حيث نجح العمل في استقطااب شريحة كبيرة من الجمهور، كان ينتظره حلقة تلو الآخرى.
