علي جمعة: التظاهر بالسعادة على السوشيال ميديا بغرض زيادة المشاهدات والتربح يؤثر سلبًا على الشباب
قال الدكتور علي جمعة، عضو كبار العلماء، إن التظاهر بالسعادة على السوشيال ميديا بغرض زيادة المشاهدات والتربح يؤثر سلبا على الشباب، مضيفا: هو خداع وتلاعب بالقيم.
علي جمعة: التظاهر بالسعادة على السوشيال ميديا بغرض زيادة المشاهدات والتربح يؤثر سلبًا على الشباب
أجاب الدكتور علي جمعة، عضو هيئة كبار العلماء على سؤال أحد الفتيات نصه: لما بقارن حياتي بحياة المؤثرين على السوشيال ميديا هل حلال ولا حرام؟.
وقال خلال برنامجه تور الدين والشباب: التظاهر بالسعادة على السوشيال ميديا بغرض زيادة المشاهدات والتربح تؤثر سلبا على الشباب.. وهو خداع وتلاعب بالقيم.
ورد الدكتور علي جمعة، عضو هيئة كبار العلماء على سؤال أحد الشباب نصه: أنا شخص بقالي سبع سنين بغني راب وبعمل باتر راب اللي هو الهجاء وبيجي عائد مادي فهل حلال ولا حرام؟.
شاب: بقالي 7 سنين بغني راب وبيجي عائد مادي فهل حلال ولا حرام؟.. علي جمعة: حلال
وقال علي جمعة خلال برنامجه تور الدين والشباب: حلال، ليرد الشاب: طيب بيقولوا المزيكا حلالها حلال وحرامها حرام، ليعلق علي جمعة: في خلاف بين المسلمين في هذه الأشياء، وأنت هتختار رأي المفتي بتاعك فربنا مش هيحاسبك عليها، فاللي استقريت ووصلك إنه حلال.
وتابع: المصيبة تكون امتى؟، لما تختار في نفسك إنها حرام وتعلمها فكدا لا تكون صادق مع نفسك، متابعا: طالما فيها خلاف وأنت اخترت أحد الرأيين فأنت صح لكن لو إنك اخترت الرأي التاني وقلت مثلا إن الإزازة اللي قدامي دي مش مليانة مية ولا شربات دي مليانة خمر وهشربها يبقى عندك عدوان على الشريعة وعدوان على أوامر الله.
وواصل: فلوسك مش حرام علشان أبوك بيقولك حرام وفلوسك مش حرام علشان زميلك بيقولك ما بلاها: إنما الأعمال بالنيات وإنما لكل امرئ ما نوى.
شاب: البعض يقول كل ما يلهي عن ذكر الله فهو حرام.. علي جمعة: أنا مش موافق
وعن القول بأن كل ما يلهي عن ذكر الله فهو حرام حيث يقول البعض إن المعازف دي بتلهي عن ذكر الله أو بتسحر الناس فيبتعدوا عن القرآن لذلك حرام، ردا علي جمعة قائلا: نحلل بالمنهجية: كل ما يلهي عن ذكر الله فهو حرام، فأنا مش موافق على ده؛ لأن ممكن حاجة تلهيني عن ذكر الله وما تبقاش حرام، فإذا جاءت العشاء والعشاء ببدأ بالعشاء، طب العشاء عطلني عن إن أنا أصلي العشاءـ والعبارة مشهورة إذا اجتمع العشاء والعشاء قدم العشاء عشان نفسك تسكن وتهدى معانا عشان لما تروح للعشاء تخشع وتذكر الله.
وواصل: لا كل ما يمنع ذكر الله يبقى حرام لكن مش كل ما نشتغل بشيء ليس هو ذكر الله يبقى حرام. يبقى إذن دنيتنا كلهاحرام. يبقى إذن ما نسلمش كده للعبارات الشائعة الدرجة على الألسنة. عبارات الشيعة الدرجة على الألسنة كل ما يلهي عن ذكر الله ليس حراما. بعضه حرام إذا منع وبعضه حلال إذا لم يمنع.
وخلال الحلقة علق على جمعة على سؤال فتاة نصه: لو نزلت ستوري عليها أغنية هاخد ذنوب عن اللي شافوها؟، قائلا: وطيب إيه الذنب الأصلي، لتعلق الفتاة: في ناس بتقول الأغاني حرام.
وتابع: قضية الغناء فيها خلاف وقضية الموسيقى فيها خلاف وخلاف قديم جدا يعني ليس في عصرنا الحاضر، فابن حزم الأندلسي في القرن الخامس الهجري أو عبد الغني النابلسي أو الإمام الغزالي أو ابن القيصراني الحنبلي بيبيح سماع هذا الصوت.
وواصل: اللي اخترناه كعلماء في مصر أن هذا صوت حسنه حسن وقبيحه قبيح.
