المتهم بقتل زوجته بالمنوفية: لما اشتكيت لأهلها منها قالولي ريحنا شوية
حصل القاهرة 24، على التحقيقات في قضية مقتل سيدة على يد زوجها، خنقا داخل منزلهما بمركز السنابسة بالمنوفية.
مقتل زوجة المنوفية
واستمع رجال التحقيق إلى أقوال المتهم، إذ قال حينما تم سؤاله حول ما تفصيلات الخلاف الذي نشب فيما بينك وبين المجني عليها زوجتك ليلة أمس؟
هو اللي حصل إن امبارح 11 /11/ 2025 حوالي الساعة 6:30 العشاء، أنا كنت في البيت ومراتي وعيالي كانوا موجودين معايا في البيت، وحصلت مشكلة بيني وبين مراتي، وعلى أساسها رحت عند أبوها علشان أشتكيله، ولما اتكلمت معاه قالّي دماغي بتوجعني، وأمها قالتلي ريّحنا شوية، فشربت معاهم الشاي واخدت نفسين معسل، ورجعت البيت تاني، وكان ساعتها مراتي سامية صاحية وكان معاها عيالي الاثنين في البيت.
كما جاءت باقي تفصيلات أقوال المتهم في القضية، كالآتي:
س: وما سبب ذلك الخلاف تحديدًا؟
ج: عشان برده كانت شتمتني وخلّت اختها تشتمني، ومكنتش عايزة العلاقة.
س: وما الذي حدث معك عقب ذلك؟
ج: أنا رجعت البيت وعاتبتها، لقيتها بتشتمني، وحصل ما بينا مشكلة، وسيبتها وقعدت قدام باب الشقة وهي كانت جوه في الصالة، وفضلنا على كده لحد الساعة 2 بليل، أنا جيت عشان كنت عايز أنام وقلتلها كده وهي رفضت، فشدّينا مع بعض وضربتها قلمين على وشها، وهي مسكت في الجلابية بتاعتي، فزنقتها في الحيطة وإيديا الاتنين على رقبتها وخنقتها حوالي خمس دقايق لحد ما وقعت على الأرض.
