إنجي وجدان: غيابي عن الفن مش مقصود.. ومبحبش أغير في شكلي
تحدثت الفنانة إنجي وجدان، عن غيابها الفني، موضحة أنه غير مقصود خاصة وأنها متفرغة لأبنائها خلال الفترة الحالية، بجانب الكشف عن رأيها في عمليات التجميل وإمكانية خضوعها لـ إجراءات تجميلية.
وقالت إنجي وجدان، في لقائها مع القاهرة 24: غيابي مش مقصود أوي ولكن أنا ولادي صغيري ومحتاجين أمهم فأنا مركزة معاهم الفترة دي، ولكني مش مختفية أوي.
أما عن إمكانية خضوعها لـ إجراءات تجميلية، فعلقت إنجي وجدان: أنا بحب نفسي زي ما أنا، لأن كل حاجة بتحصل في وشنا أو جسمنا طبيعي وتاريخ، كل شعراية بيضاء ليها تاريخ ووقت، أكيد بفكر في الإجراءات التجميلية ولكن لما يجي وقتها، وأنا مبحبش أغير شكلي من بدايتي لما طلعت في تامر وشوقية مكنتش بحط مكياج وقولتلهم عايزة لما أبص في المراية أشوف نفسي وأعرفني.
وأضافت: أنا خسيت علشان في حد معين أن ممكن تبقي تخينة وصحتك كويسة ولكني لما حملت صحتي تدهورت فكان لازم أخس علشان آخد بالي من صحتي، وبدأت أدخل في دوامة وبدأت أتعب فكسرت الدوامة دي وخسيت
آخر أعمال الفنانة إنجي وجدان
وعلى جانب آخر، تعُد آخر أعمال الفنانة مشاركتها مسلسل أشغال شقة بطولة هشام جمال وأسماء جلال، وضم العمل مجموعة من النجوم أبرزهم شيرين، مصطفى غريب، سلوى محمد علي، محمد عبدالعظيم، وغيرهم، والعمل من إخراج وتأليف خالد دياب.
