رزق عيالي.. حياة كريمة تساعد سيدة تعمل في جمع البلاستيك بمبلغ مالي
وثق مقطع فيديو نشرته مؤسسة حياة كريمة، لحظات مؤثرة لسيدة تعيش ظروفًا اجتماعية ومادية صعبة، وغير قادرة على سداد الديون ومصروفات معيشة أبنائها، حصوصًا بعد وفاة زوجها.
وخلال الفيديو، ظهرت سيدة تعمل في جمع البلاستيك والكانز الفارغ، تروي تفاصيل مأساوية عن حياتها وظروف عملها قائلة: أنا بشتغل في جمع البلاستيك والكانز وببيعه، وجوزي متوفي من 25 سنة، وعندي بنت عروسة متخرجة، وولد بيدرس خدمة اجتماعية.
حياة كريمة تساعد سيدة تعمل في جمع البلاستيك بمبلغ مالي
واستكملت السيدة: بستنى لآخر الأسبوع عشان أجمع الربح، وبكسب في كيلو البلاستيك 15 جنيه، وبجمع الكيلو في يومين، في رمضان بينزلوا سعر البلاستيك والكانز الفارغ، أنا مستمرة في المهنة دي عشان مش مقيدة بوقت ولا مواعيد شغل، وماشية بـ 200 جنيه.. دول مكسب 15 يوم شغل.
وأضافت السيدة عاملة جمع البلاستيك والكانز الفارغ، أنا بعاني من الشوكة العظمية في رجلي، ومصابة بالانزلاق الغضروفي، وأكتر مكسب كسبته في الشغلانة دي كان 400 جنيه، أنا شايلة هم الفطار.
وعبرت السيدة عاملة جمع البلاستيك والكانز، عن سعادتها حينما أعطاها مقدم البرنانج 50 ألف جنيه، حيث قالت: ربنا سبب وهروح أعالج بنتي عشان عندها شوكة عظمية زيي في رجليها، وبتاخد حقن كورتزون لعلاج رجليها، وهشتري فرختين للفطار، دول رزق العيال، أنا كنت مستعجلة وعايزة أمشي عشان جارتي في المطرية عاملة إطعام وهتديني وجبة.. لكن دلوقتي أنا فرحانة الحمد لله وهجيب للولاد لبس جديد وكل اللي هما عايزينه.
