ملحقناش الجنازة وأمها هتموت عليها.. أول تعليق من أسرة الأم ضحية مذبحة كرموز يالإسكندرية| خاص
تصدرت جريمة كرموز بالإسكندرية تريند محركات البحث خلال الساعات القليلة الماضية، وأعلنت أسرة الأم الضحية أن الجنازة خرجت دون علمهم، بجانب أن إنجي ابنتهم كانت ترفض دائمًا التواصل معهم.
أول تعليق من أسرة الأم ضحية مذبحة كرموز في الإسكندرية
وقالت أسرة الأم ضحية مذبحة كرموز، في تصريحات خاصة لـ القاهرة 24: أم إنجي هتموت عليها ومش مصدقة اللي حصلها هي وعيالها، وكان نفسها تكون في الجنازة بس هي اللي مكنتش عايزة تتواصل معاهم.
وتابعت ابنة عمة الأم ضحية مذبحة كرموز: بقالها 20 سنة في السعودية عايشة ومتزوجة هناك، مكانش عندها أي رغبة في التواصل معانا أو حتى تزورنا أو تكلمنا وإحنا حاولنا كتير.
وأضافت: الجنازة طلعت دون علمنا وأبوها وأختها كانوا بيخلصوا ورق الدفن اتفاجئوا إن الجنازة مشيت، والله يرحمها إنجي كانت بعيده عن الأهل تماما ومش عاوزة تتواصل مع حد برغبتها
وواصلت ابنة عمة الأم ضحية مذبحة كرموز: عيلتنا كبيرة في كرموز، ومستوانا المادي ميسور مش زي اللي بيتقال على السوشيال ميديا.
جريمة كرموز بالإسكندرية
وشيع العشرات من أهالي الإسكندرية، جثامين ضحايا جريمة منطقة كرموز، وهم أم وأبناؤها الخمسة، على يد نجلها.
