هدايا وهواتف وسكوتر.. كيف استدرج رجل أعمال صغار دار أيتام بالشيخ زايد من خروجة العيد إلى شقة مصر الجديدة؟
كشفت التحقيقات في واقعة التعدي على نزلاء دار أيتام في الشيخ زايد، داخل شقة رجل أعمال بمنطقة مصر الجديدة بالقاهرة، بمعاونة مدير الدار، تفاصيل أقوال المجني عليهم.
واقعة دار أيتام بالشيخ زايد
وجاءت أقوال المجني عليه الأول بسؤاله أمام جهات التحقيقات، ما تفصيلات شكواك؟
ج: اللي حصل إن أنا مقيم في دار الايتام من أول ما اتولدت وفي شهر 3 رمضان اللي فات كنت في الدار ولقيت واحد اسمه م.إ، داخل علينا في الدار ودخل للمدير اللي اسمه محمد.ا، وقال ساعتها إن ده قریب صاحب ف، وجي يحل مشاكل الأولاد اللي في الدار وراح موزع علينا يومها ثلاث آلاف جنيه لكل واحد في الدار بعدها عرفت إن ف.ا، وم.ع، زمايلنا في الدار راحوا عاشوا مع م.إ، وبعدها على دخلة العيد الصغير مدير الدار جمعنا وقالنا ان م.إ، هيجي ياخدنا كلنا ويخرجنا في العيد.
وأضاف المجني عليه، بالفعل تقريبا ثاني يوم العيد لقينا م.إ، جي الدار وأخد كل الأولاد اللي في الدار ومدير الدار في أتوبيس صغير وخرجنا وودانا مول وقالنا اللي نفسه فحجة هجبهاله فراح واحد من الولاد قاله عاوز آيفون فراح اشترهولوا فكله قعد يقولوا على طلبات وحاجات زي تليفونات أو اشتراك نادي أو هدوم أو فلوس كان بيعملهاله، وبعدها ودانا مكان عشان نلعب ونخش بيت الرعب فكله دخل إلا أنا عشان مبحبهوش فقعد معايا ساعتها لوحدينا وقالي قصتك وحياتك احكيلي فابتديت أحكيله فقالي شوف أنت نفسك في إيه وأنا أعملهولك؟ قولتله نفسي في سكوتر فقالي حاضر.
وأردف المجني عليها: وأخد رقمي ساعتها وقالي هبقى أكلمك ونبقي أصحاب وفي آخر اليوم أخد أرقام الولاد كلها اللي في الدار بعد الخروجة دي بحوالي يومين أو ثلاثة كنت أنا في مدينة نصر لقيته بيتصل عليا وبيقولي أنت فين؟ قولتله مكاني قالي طب أنا جايلك وجه هو ومدير الدار وكان معاه م.ع، زميلي اللي في الدار وجه أخدني ونزل مدير الدار عند بيته في عباس العقاد وراح وأخدني مع م، وطلع على البيت عنده في مصر الجديدة وقعد يتكلم معايا عن حياته وعرض عليا إن لو أحب إن أجي وعيش معاه زي م وف، هو هيكون مرحب ومعندوش مشكلة وهو مش هيبقي مضايق من ده.
وأردف المجني عليه، قولتله ماشي هفكر بس أنا معنديش مشكلة في قعدتي في الدار ومشيت روحت وبعدها بحوالي ثلاث أيام حصلتلي مشكلة في الدار بسبب إن الدار كانت شارطه عليا لو شلت مواد في المعهد هشيل مصاريف المعهد فطلعت النتيجة وكنت شايل ثلاث مواد فالدار كانت عاوزاني أشيل مصاريف المعهد أو أخرج منه وأنا كنت عاوز أكمل تعليمي فروحت رايح مكلم م.إ وحكتله على المشكلة اللي معايا وقالي متشلش هم حاجة وأنه هيتكفل بكل حاجة قالي أنا هظبط ورقك وتيجي تعيش معايا في مصر الجديدة على مسئوليتي بعيد عن الدار فقولتله ماشي وبالفعل ده اللي تم وجالي مدير الدار قالي م.إ، عاوز ياخدك تعيش معاه في بيته في مصر الجديدة عندك مشكلة قولتله لا أنا موافق.
