روحت لدكتور نفسي.. نور هشام سليم عن التحول الجنسي: اتعاملوا معانا برحمة مفيش حد بيختار يعمل كدة
قال نور هشام سليم إن قرار التحول الجنسي لا يُعد قرارًا أو اختيارًا بسيطًا كما يعتقد البعض، بل هو نتيجة عوامل نفسية معقدة تتعلق بهوية الإنسان وشعوره بذاته، مؤكدًا أهمية تفهم هذه الحالات.
نور هشام سليم عن التحول الجنسي: اتعاملوا معانا برحمة مفيش حد بيختار يعمل كدة
وأضاف نور خلال فيديو عبر حسابه على إنستجرام: على المجتمع التعامل مع الأفراد الذين يمرون بهذه التجربة بقدر أكبر من الرحمة والدعم النفسي، بدلًا من إصدار الأحكام أو الرفض، مشيرًا إلى أن الاحتواء يسهم في تقليل المعاناة وتحسين الحالة النفسية.
وواصل: مفيش حد بيصحى بين يوم وليلة ويقول أنا هبوظ حياتي كلها، وأفضل في مشاكل قانونية ولما فكرت في الموضوع ده كان عندي 4 سنين، وبسبب إني عايش وحاسس إن فيه حاجة غلط وكل ما أقول لشخص أنا ولد يقولي لأ أنت بنت، وروحت لدكاترة نفسية وسألتهم أعمل إيه ومكنش فيه حل وكان عندي أفكار في الانتحار وبقول للناس لو ممرتوش بالموضوع ده يبقى متنتقدش وارحمونا شوية ولو عليا هقعد مع أهلي في مصر.
وفي وقت سابق، تحدث نور نجل الفنان الراحل هشام سليم، عن تحوله الجنسي من أنثى لـ ذكر، موضحًا أنه ما زال مسجلًا كأنثى في بطاقة الرقم القومي المصرية، بجانب الكشف عن سبب انتقاله للعيش في دولة البرتغال.
نجل هشام سليم: قرار التحول صعب ولسه مكتوب في البطاقة أنثى
وأجاب نور هشام سليم، على أسئلة متابعيه عبر ستوري حسابه على إنستجرام: أصعب حاجة أنك تاخد القرار، أكيد القرار مش عادي، فاكر أول مرة بصيت فيها لنفسي في المراية وشفت نور، كانت لحظة مش عارف أشرحها، لو أنت على مركب في نص البحر والماتور مش شغال وبقالك 23 سنة في الماية ومفيش حد بينقذك وقاعد وتعبان، وبعدين مرة واحدة شفت نيويورك.
وكشف نور هشام سليم، سبب انتقاله للعيش في البرتغال، قائلًا: لو البلد كانت معيشاني عادي كنت هعيش في البلد عادي مفيش مشكلة، أنا مصري وبحب مصر، بس للأسف مصر مبتحبنيش مش عارف ليه.
